သမ္မတဂျိုးဘိုင်ဒင် ပိုလန်နိုင်ငံကို နှစ်ရက်ကြာခရီးထွက်ခဲ့ပြီး ပိုလန်ရှေ့တန်းမှာ တပ်စွဲထားတဲ့ အမေရိကန်တပ်တွေကို တွေ့ဆုံပါတယ်။ 

ဘိုင်ဒင်ကို အမှတ် (၈၂) လေကြောင်းချီတပ်မရဲ့  စစ်အရာရှိတွေက ကြိုဆိုခဲ့ပါတယ်။ ဝါရှင်တန်အိမ်ဖြူတော်က ရှေ့တန်းရောက်တပ်သားများအတွက် ပီဇာမုန့်တွေ ပို့ပေးခဲ့ပြီး သမ္မတဘိုင်ဒင်က ရဲဘော်တွေနဲ့အတူ အဝစားခဲ့ပါတယ်။ 

ဘိုင်ဒင်က “အားလုံးကို ကျေးဇူးတင်တယ်။ ခင်ဗျားတို့ဟာ ကမ္ဘာ့သမိုင်းမှာ အကောင်းဆုံး တပ်ဖွဲ့အနေနဲ့ ပြင်ဆင်လုပ်ဆောင်နေတာ မြင်ရပါတယ်” လို့ ပြောပါတယ်။

အမှတ် (၈၂) လေကြောင်းချီတပ်မက အမေရိကန်စစ်တပ်မှာ စစ်ရေးစွမ်းဆောင်မှု အမြင့်မားဆုံး တပ်ယူနစ် တခုဖြစ်ပြီး ၁၈ နာရီအတွင်း ကမ္ဘာ့မည်သည့်နေရာကိုမဆို အမြန်ဆုံး တပ်ဖြန့်ချထားနိုင်မှု ရှိတာပါ။  

ပိုလန်ရဲ့ အိမ်နီးချင်း ယူကရိန်းကို ရုရှားကျူးကျော်ပြီးနောက် (၈၂) တိုက်ခိုက်ရေးတပ်မမှ လေထီးတပ်သား ၃၀၀၀ ကို ပိုလန်ရှေ့တန်းမှာ တပ်ဖြန့်ချထားတာပါ။

ကလေးညစ်ညမ်းရုပ်ရှင်တွေနဲ့ ပတ်သက်တဲ့ အမှုတွေမှာ တရားသူကြီးအဖြစ်နဲ့ သက်သက်ညှာညှာ စီရင်ခဲ့တယ်ဆိုတဲ့ ရီပတ်ဘလစ်ကင် ပါတီဝင်တွေရဲ့ စွပ်စွဲချက်တွေကို အမေရိကန်သမ္မတ ဂျိုးဘိုင်ဒင်က တရားရုံးချုပ် တရားသူကြီးအဖြစ် နာမည်စာရင်း တင်သွင်းထားတဲ့ခဲ့ တန်းဂျီး ဘရောင်း ဂျက်ဆင်က မတ်လ ၂၂ ရက်မှာ ပယ်ချလိုက်ပါတယ်။

ဂျက်ဆင်ဟာ အထက်လွှတ်တော် တရားရေးကော်မရှင် အတည်ပြု ကြားနာပွဲမှာ ဒုတိယနေ့အဖြစ် ငြင်းချက်ထုတ်နေတာပါ။

အထက်လွှတ်တော်အမတ် ဂျော့ရှ် ဟော်လီ အပါအဝင် ရီပတ်ဘလစ်ကင် ပါတီဝင် အမတ်တွေ အတော်များများက ကလေးညစ်ညမ်းရုပ်ရှင်တွေနဲ့ ပတ်သက်တဲ့ အမှုအပေါ် မေးမြန်းချက်တွေကို အာရုံစိုက်ခဲ့ကြပါတယ်။

ဂျက်ဆင်ကတော့ သူကိုယ်တိုင် မိခင်တယောက်ဖြစ်လို့ ကလေးတွေအပေါ် လိင်ပိုင်း ရာဇဝတ်မှုနဲ့ ပတ်သက်တဲ့ အမှုတွေဆိုရင် အရမ်းခံစားရတယ်လို့ ပြောပါတယ်။

ပြည်ထောင်စုတရားသူကြီးတွေဟာ ကလေးညစ်ညမ်းရုပ်ပုံ စာပေ ရုပ်ရှင်တွေနဲ့ ပတ်သက်တဲ့ အမှုတွေအတွက် ပြစ်ဒဏ်တွေ ပုံမှန်ချမှတ်လေ့ရှိတယ်၊ ပြစ်ဒဏ်တွေဟာ တခါတရံ သက်ညှာလွန်းပြီး တခါတရံ ပြင်းထန်လွန်းတယ်လို့ အောက်လွှတ်တော်က ပြောပါတယ်။

ဂျက်ဆင်ရဲ့ အတည်ပြုချက်ဟာ တရားရုံးရဲ့ အတွေးအခေါ်ဆိုင်ရာ ဟန်ချက်ညီမှုကို မပြောင်းလဲစေနိုင်ပါဘူး။

သမ္မတ ဂျိုးဘိုင်ဒင်ဟာ အငြိမ်းစားယူသွားပြီဖြစ်တဲ့ လစ်ဘရယ် တရားရေးဝန်ကြီး စတီဖန် ဘရေယာရဲ့ နေရာကို ဆက်ခံဖို့ ဂျက်ဆင်ကို နာမည်စာရင်း တင်သွင်းခဲ့တာ ဖြစ်ပါတယ်။

ဂျက်ဆင်က တရားရုံးချုပ် တရားသူကြီး ဖြစ်လာဖို့ အတည်ပြုရာမှာ မဲအများစု လိုအပ်ပြီး တကယ်လို့ ဒီမိုကရက်ပါတီဝင် အမတ်တွေက မဲပေးရာမှာ ဆက်ပြီး ညီညွတ်နေမယ်ဆိုရင် တရားရုံးချုပ် တရားသူကြီး ဖြစ်လာလိမ့်မယ်လို့ ရိုက်တာသတင်းမှာ သုံးသပ်ထားပါတယ်။