ယူကရိန်းသမ္မတ ဇလန်းစကီးက ပြည်သူတွေကို မျှော်လင့်ချက်ပေးတဲ့ ဗဒီယိုမိန့်ခွန်းတိုလေးကို ဇူလိုင် ၇ ရက်က သူ့ရဲ့ အင်စတာဂရမ် ဆိုရှယ်မီဒီယာပေါ်မှာ တင်ထားပါတယ်။
စစ်ပွဲ ၁၃၄ ရက်မြောက် ညသန်းခေါင် မိန့်ခွန်းမှာ သမ္မတ ဇလန်းစကီးက “ရိုးသားတဲ့ ယူကရိန်း ပြည်သူတွေ၊ စိတ်သဘောထားကောင်းမွန်ပြီး ငြိမ်းချမ်းရေးလိုလားတဲ့ ယူကရိန်းပြည်သူတွေ ကိုယ်တိုင်ဟာ ကမ္ဘာ့သတင်းစာမျက်နှာမှာ သူရဲကောင်းတွေ ဖြစ်တယ်။ ဒါပေမဲ့ ဒီအတွက် ပေးဆပ်ရတဲ့တန်ဖိုးက ဘာလဲ၊ ကျနော်တို့အားလုံး လိုချင်တာက ရှင်သန်ခွင့်၊ လွတ်လပ်တဲ့ ကိုယ်ပိုင်နိုင်ငံမှာ ရှင်သန်နေထိုင်ခွင့်ဖြစ်တယ်” လို့ ပြောပါတယ်။
ယူကရိန်းနဲ့ မဟာမိတ်တွေက ရုရှားဟာ ကိုလိုနီခေတ်ဟောင်းကပုံစံ နယ်မြေသိမ်းပိုက်ဖို့ ရည်ရွယ်ချက်နဲ့ ယူကရိန်းကို ကျူးကျော်တိုက်ခိုက်နေတာလို့ ဆိုကြပါတယ်။
ရုရှားရဲ့ကျူးကျော်စစ်ဟာ ဥရောပမှာ ဒုတိယကမ္ဘာစစ်နောက်ပိုင်း အကြီးမားဆုံး စစ်ရေးပဋိပက္ခဖြစ်ပြီး လူထောင်ချီသေဆုံး၊ လူ သန်းချီ နေရာပြောင်းရွှေ့ရကာ စစ်ဘေးကြောင့် မြို့တွေ ရွာတွေ ပျက်စီးခဲ့ရပြီး ဖြစ်ပါတယ်။
ရုရှားဘက်ကတော့ အရပ်သားတွေကို ပစ်မှတ်ထား တိုက်ခိုက်တာ မရှိဘူးလို့ ငြင်းထားပြီး ယူကရိန်းမြေပေါ်မှာ ရုရှားစကားပြောတဲ့ လူနည်းစုတွေကို အကာအကွယ်ပေးဖို့နဲ့ ယူကရိန်းစစ်တပ်ကို အင်အားချည့်နဲ့အောင် လုပ်ဖို့၊ အန္တရာယ်ရှိတဲ့ အမျိုးသားရေးဝါဒီတွေကို အမြစ်လှန်ဖို့ ရည်ရွယ်တယ်လို့ ဆိုပါတယ်။
မန်ယူတိုက်စစ်မှူး စီရော်နယ်ဒိုဟာ အင်စတာဂရမ်မှာ စပွန်ဆာပို့တစ်ခုတင်ရင် ပေါင်သန်းချီပြီး ဝင်ငွေရရှိနိုင်တယ်လို့ လောင်းကစားကုမ္ပဏီ OLBG က ထုတ်ပြန်ပါတယ်။
ရော်နယ်ဒိုဟာ အင်စတာဂရမ်မှာ Follower အများဆုံးလူပုဂ္ဂိုလ်ဖြစ်ပြီး စုစုပေါင်းသန်း ၄ဝဝ ရှိပါ တယ်။
ဒီအရေအတွက်ဟာ Follower ၃၀၉ သန်းနဲ့ ဒုတိယအများဆုံးဖြစ်တဲ့ မော်ဒယ် ကိုင်လီဂျင်နာ ထက် သန်း ၁ဝဝ လောက် ပိုများပါတယ်။
Follower သန်း ၄ဝဝ ကျော်ရှိတဲ့ စီရော်နယ်ဒိုဟာ အင်စတာဂရမ်မှာ စပွန်ဆာပို့စ်တစ်ခု တင်လိုက်တာနဲ့ ပေါ င်၁.၇၂ သန်းရရှိနိုင်တယ်လို့ လောင်းကစားကုမ္ပဏီတစ်ခုဖြစ်တဲ့ OLGB က ဖော်ပြခဲ့ပါတယ်။
ဒီပမာဏဟာ မန်ယူနိုက်တက်မှာရရှိနေတဲ့ တစ်ပတ်လုပ်ခရဲ့ ၃ ဆလောက်ပိုမိုရရှိနိုင်တာပါ။
ရော်နယ်ဒိုဟာ ပြီးခဲ့တဲ့ ၅လတာကာလအတွင်းမှာတင် Follower ၁၆၃ သန်း တိုးလာခဲ့ပါတယ်။ Forbes မဂ္ဂဇင်းရဲ့ ထုတ်ပြန်ချက်အရလည်း ၂၀၂၁ ခုနှစ်အတွင်းမှာ ရော်နယ်ဒိုက ဝင်ငွေကန်ဒေါ် လာသန်း ၁၂၀ ရရှိခဲ့ပြီး ကော်နာမက်ဂရီဂေါနဲ့ လီယွန်နယ်မက်ဆီတို့ပြီးရင် တတိယ မြောက်ဝင်ငွေ အကောင်းဆုံးဖြစ်ခဲ့ပါတယ်။
ဂျူဗင်တပ်အသင်းမှာ ကစားစဉ်က လုပ်ခနဲ့ ဆုကြေး စုစုပေါင်း ကန်ဒေါ်လာ သန်း ၇၀ ရရှိခဲ့ပြီး စပွန်ဆာနဲ့ ကွင်းပြင်ပစီးပွားရေးတွေကနေ စုစုပေါင်း ကန်ဒေါ်လာသန်း ၅၀ ရရှိခဲ့တယ်လို့ သိရပါတယ်။
