မက္ကဆီကိုနိုင်ငံအနောက်ပိုင်းမှာ စက်တင်ဘာ ၁၉ ရက်က အင်အားပြင်းငလျင်  လှုပ်ခတ်ခဲ့လို့ အဆောက်အဦတွေ ပျက်စီးပြီး အနည်းဆုံး လူတယောက်သေဆုံးပါတယ်။

ငလျင်ကြောင့် လျှပ်စစ်ဓာတ်အား ပြတ်တောက်ခဲ့သလို မက္ကဆီကို စီးတီးမြို့ခံတွေ ဘေးလွတ်ရာကို ထွက်ပြေးခဲ့ရပါတယ်။

ပစိဖိတ်သမုဒ္ဒရာနဲ့ ကပ်လျက် မန်ဇန်နေလို ဆိပ်ကမ်းမှာ ကုန်တိုက်အမိုးပြိုကျလို့ လူတယောက် သေဆုံးခဲ့ပြီး ဆေးရုံတစ်ခုမှာတော့ မှန်ပြုတ်ကျလို့ လူတယောက် ဒဏ်ရာရခဲ့တယ်လို့ အစိုးရက ပြောပါတယ်။ 

မက္ကဆီကိုရဲ့ လူဦးရေ ကျဲပါးပြီး ငလျင်ဗဟိုချက်နဲ့နီးတဲ့ နိုင်ငံအနောက်ပိုင်း မီချွာကန်ပြည်နယ်မှာ ရှိတဲ့ ဆေးရုံအများအပြား ပျက်စီးခဲ့တယ်လို့ အာဏာပိုင်တွေက သတင်းပေးပို့ပါတယ်။

ပြင်းအား ရစ်ခ်ျတာစကေး ၇ ဒသမ ၆ ရှိတဲ့ ငလျင်ဟာ အနောက်ဘက် ကမ်းရိုးတန်းနားက မန်ဇာနေလို ဆိပ်ကမ်းတည်ရှိရာ ကိုလီမာပြည်နယ်နဲ့ မီချွာကန်ပြည်နယ် နယ်နိမိတ် အနားမှာ ဒေသစံတော်ချိန် မွန်းလွဲ ၁ နာရီမှာ လှုပ်ခတ်ခဲ့တယ်လို့ အမေရိကန် ဘူမိစစ်တမ်းဌာန (USGS) က ပြောပါတယ်။

ဒီငလျင်ဟာ မြေအောက် အနက် ၉ မိုင် ကို ဗဟိုပြုလှုပ်ခတ်ခဲ့လို့ အနက်တိမ်တဲ့ အတွက် ငလျင်ပြင်းအား သက်ရောက်မှု ပိုကြီးခဲ့ပါတယ်။

နေပြည်တော် သမ္မတအိမ်တော်ဝင်းအတွင်းရှိ အဆောက်အဦတချို့ကို ပြင်ဆင်မွမ်းမံတာ၊ ဧည့်တွေ့ဆောင်အသစ် ဆောက်နေတာအပြင် ဗိုလ်ရှုသဘင် အဆောက်အဦကိုပါ ပြင်ဆင်မွမ်းမံနေတယ်လို့ အာဏာသိမ်းစစ်ကောင်စီနဲ့ နီးစပ်တဲ့ အသိုက်အဝန်းက ပြောပါတယ်။

စစ်ကောင်စီနဲ့ နီးစပ်သူတဦးက “အိမ်တော်ထဲက အဆောက်အဦတခုကို ပုံမှန်ပြင်ဆင်တာမျိုး မဟုတ်ဘဲ သေချာပြင်ဆင်မွမ်းမံနေတယ်။ အဲဒီအဆောက်အဦမှာ ခု အာဏာသိမ်းခေါင်းဆောင် မင်းအောင်လှိုင် နေမယ်လို့ ပြောနေကြတယ်။ ပြီးတော့ ရှိပြီးသား ဧည့်တွေ့ဆောင်တွေအပြင် နောက်ထပ် ဧည့်တွေ့ဆောင်တခုလည်း အသစ်ထပ်ဆောက်နေတယ်” လို့ ပြောပါတယ်။

ဒါ့အပြင် သမ္မတအိမ်တော်အနီးမှာရှိပြီး ဦးသိန်းစိန်လက်ထက်မှာ ဆောက်လုပ်ခဲ့တဲ့ ဗိုလ်ရှုခံ အဆာက်အဦကိုလည်း ပြင်ဆင်မွမ်းမံတာတွေ ပြုလုပ်နေတယ်လို့ အဆိုပါနီးစပ်သူက ပြောပါတယ်။

အာဏာသိမ်းစစ်ကောင်စီအနေနဲ့ အာဏာသိမ်းပြီးနောက် ၂၀၂၂ ခုနှစ်အတွင်းမှာ အဆိုပါ ဗိုလ်ရှုခံအဆောက်အဦမှာပဲ ဗိုလ်ရှုခံအခမ်းအနားကို ကျပ်ဘီလီယံများစွာ သုံးစွဲပြီး ပြုလုပ်ခဲ့ပါသေးတယ်။

စစ်ကောင်စီဟာ အာဏာသိမ်းပြီး သမ္မတအိမ်တော်မှာ နေထိုင်တဲ့ နိုင်ငံတော်သမ္မတ ဦးဝင်းမြင့်ကို ဖမ်းဆီးတရားစွဲဆိုကာ လက်ရှိအချိန်ထိ ဘယ်နေရာမှာ ထိန်းသိမ်းထားမှန်း မသိရသလို စစ်ကောင်စီဘက်ကလည်း ထုတ်ပြန်ပြောဆိုတာ မရှိခဲ့ပါဘူး။

ဦးဝင်းမြင့်ဟာ ၂၀၁၈ ခုနှစ် ဧပြီ ၆ ရက်နေ့မှာ နိုင်ငံတော်သမ္မတရာထူးကို စတင်ထမ်းဆောင်တဲ့ အထိမ်းအမှတ် ဧည့်ခံပွဲကို အိမ်တော်ဝင်းအတွင်းရှိ မြက်ခင်းပြင်မှာ ပြုလုပ်ခဲ့ပြီး အဆိုပါဧည့်ခံပွဲကို လက်ရှိ အာဏာသိမ်းစစ်ခေါင်းဆောင် မင်းအောင်လှိုင်လည်း တက်ရောက်ခဲ့ပါတယ်။