တောင်ကိုရီးယားနိုင်ငံရဲ့ ဗဟိုဘဏ်ဟာ ငွေကြေးဖောင်းပွမှုကို ထိန်းချုပ်ဖို့   သြဂုတ် ၂၅ ရက်မှာ  ဘဏ်ရဲ့ အခြေခံစံနှုန်း ၂၅ မှတ်ကို ၂ ဒသမ ၅၀ ရာခိုင်နှုန်း တိုးမြှင့်လိုက်ပါတယ်။

ဘဏ်အုပ်ချုပ်ရေးမှူး ရီချန်းယောင်းက “ကိုရီးယားဘဏ် (BOK) က ငွေကြေးဖောင်းပွမှုအပေါ် အာရုံစိုက်တဲ့ ငွေကြေးမူဝါဒကို ခဏတာ အကောင်အထည်ဖော်ဖို့နဲ့ လက်ရှိ ငွေကြေးဖောင်းပွမှုနဲ့ တိုးတက်မှု အလားအလာအောက်မှာ အတိုးနှုန်းကို မြှင့်တင်ဖို့ လိုလားကြောင်း စီရင်ဆုံးဖြတ်ခဲ့တယ်” လို့ ဆိုးလ်မြို့တော်မှာ ကျင်းပတဲ့ သတင်းစာရှင်းလင်းပွဲမှာ ပြောပါတယ်။

ဘဏ်ဟာ အခုနှစ်ရဲ့ ငွေကြေးဖောင်းပွမှု ခန့်မှန်းချက်ကို ၄ ဒသမ ၅ ရာခိုင်နှုန်းကနေ ၅ ဒသမ ၂ ရာခိုင်နှုန်းထိ မြှင့်တင်ခဲ့ပြီး ဒါဟာ ၁၉၉၈ ခုနှစ်နောက်ပိုင်း အလျှင်မြန်ဆုံးနှုန်း ဖြစ်နိုင်တယ်လို့ ရိုက်တာသတင်းဌာနက ဖော်ပြပါတယ်။

အရင်က တောင်ကိုရီးယားရဲ့ စီးပွားရေးတိုးတက်မှု ခန့်မှန်းချက်ကို ၂ ဒသမ ၇ ရာခိုင်နှုန်းကနေ အခုနှစ်မှာ ၂ ဒသမ ၆ ရာခိုင်နှုန်းထိ လျှော့ချခဲ့ပါတယ်။ တိုးတက်မှုနှုန်းဟာ ၂၀၂၃ မှာ ၂ ဒသမ ၁ ရာခိုင်နှုန်းအထိ နှေးကွေးသွားမယ်လို့လည်း ရှုမြင်ထားပါတယ်။

အမေရိကန်အပါအဝင် အဓိက ဗဟိုဘဏ်တွေရဲ့ အတိုးနှုန်းတွေ မြှင့်တင်လိုက်လို့ စီးပွားရေး ဆုတ်ယုတ်ပြီး ရေနံစိမ်းဝယ်လိုအား ကျမှာကို စိုးရိမ်လို့ ကမ္ဘာ့ရေနံဈေးဟာ  ဇွန် ၁၇ ရက်မှာ တစည်ကို ခြောက်ရာခိုင်နှုန်းကျော် ကျဆင်းသွားပါတယ်။

နယူးယောက် မာကန်တိုင်းလ် အိတ်ချိန်းမှာ ဇူလိုင်လမှာ အရောက်ပို့မယ့် ဇူလိုင်လ အတွက် ရေနံစိမ်း အနာဂတ်စျေးနှုန်းဟာ တစ်စည်ကို အမေရိကန် ဒေါ်လာ ၁၀၉ ဒသမ ၅၆ နဲ့ စျေးပိတ်ခဲ့ပြီး  ၆ ဒသမ ၈၃ ရာခိုင်နှုန်း ကျဆင်း ခဲ့ပါတယ်။

ဒါဟာ မေ ၁၂ ရက်နောက်ပိုင်း အနိမ့်ဆုံးဈေးဖြစ်ပြီး ခုနစ်ပတ်ဆက်တိုက် မြင့်တက်နေတဲ့ ရေနံစျေး လမ်းကြောင်းကို အဆုံးသတ်ခဲ့ပါတယ်။

ဩဂုတ်လအတွက် လန်ဒန်မှာရှိတဲ့ ဘရန့်ထ် ရေနံစိမ်းရဲ့ အနာဂတ် စျေးနှုန်းက အမေရိကန်ဒေါ်လာ ၆ ဒသမ ၆၉   ဒါမှမဟုတ် ၅  ဒသမ ၅၈  ရာခိုင်နှုန်း ကျဆင်းသွားပြီး တစ်စည်ကို အမေရိကန်ဒေါ်လာ ၁၁၃ ဒသမ ၁၂  ထိ ရောက်ခဲ့ပါတယ်။

ဒါဟာ မေလအစောပိုင်းကတည်းက ခုထိ နေ့စဉ် အကြီးမားဆုံး ကျဆင်းမှုပါ။ အမေရိကန်ဗဟိုဘဏ်ရဲ့ အတိုးနှုန်းတက်တာနဲ့ တခြားဗဟိုဘဏ်တွေရဲ့ အတိုးနှုန်းမြှင့်တင်ရေး ကြေညာချက်တွေဟာ စျေးကွက်စီးပွားရေးနှေးကွေးခြင်းနဲ့ ဆီစားသုံးမှုဝယ်လိုအား ကျဆင်းခြင်းတို့အတွက် စိုးရိမ်ပူပန်စေတယ်လို့ စျေးကွက်လေ့လာသူအချို့က ထောက်ပြကြပါတယ်။

တချိန်တည်းမှာ ရုရှားရဲ့ ရေနံတင်ပို့မှု တိုးမြင့်လာနိုင်တာ၊အခုသီတင်းပတ်အတွင်း မြောက်အမေရိကမှာ ရေနံထုတ်လုပ်မှု တိုးမြင့်လာတဲ့ အချက်တွေကလည်း ဇွန် ၁၇ ရက်မှာ နိုင်ငံတကာ ရေနံစျေးနှုန်းတွေကို သိသိသာသာ ကျဆင်းသွားစေခဲ့တယ်လို့ ရိုက်တာသတင်းဌာနက ဖော်ပြပါတယ်။