ယူကေနိုင်ငံ လန်ဒန်မြို့အခြေစိုက် ရိုက်တာသတင်းဌာနက စီစဉ်တဲ့  အနာဂတ်ခေါင်းဆောင်မှု ထိပ်သီးဆွေးနွေးပွဲ  REUTERS Next Leadership Summit နဲ့  Global Broadcast ထုတ်လွှင့်မှု အစီအစဉ်မှာ   အမျိုးသားညီညွတ်ရေးအစိုးရ (NUG)  ယာယီသမ္မတဒူဝါလရှီးလ ပါဝင်ဆွေးနွေးပြောကြားဖို့ရှိနေပါတယ်။

ဒီဇင်ဘာ ၁ ရက်  မြန်မာစံတော်ချိန် နေ့လယ်  ၂ နာရီ ၁၀ မိနစ်မှာ ထုတ်လွှင့်ပြသမယ့် ဒီအစီစဉ်မှာ ယာယီသမ္မတဒူဝါလရှီးလက မြန်မာ့ဒီမိုကရေစီအရေးနဲ့ အမျိုးသားတန်းတူအခွင့်အရေးအတွက် ကြိုးပမ်းဆောင်ရွက်နေမှုတွေကို  ဆွေးနွေးပြောကြားမယ်လို့ NUG ကသတင်းထုတ်ပြန်ထားပါတယ်။

ပိုမိုကောင်းမွန်တဲ့မနက်ဖန်အတွက် အတွေးသစ်အမြင်သစ်တွေကို ချပြဆွေးနွေးကြမယ် ဒီအစီအစဉ်မှာ ကနေဒါဝန်ကြီးချုပ် ထရူးစ်ဒိုး၊ လစ်သူယေးနီးယားဝန်ကြီးချုပ် အင်ဂရီဒါရှိမွန်နီတာ ၊ ဂျပန်နိုင်ငံခြားရေးဝန်ကြီး ဟာရာရှိယိုရှီမာဆာ၊ အိန္ဒိယ၊ သီရိလင်္ကာနဲ့ အမေရိကန်နိုင်ငံတို့က ဝန်ကြီးနဲ့ ဒုဝန်ကြီးတွေနဲ့ ကမ္ဘာ့ဘဏ် ဥက္ကဋ္ဌ ဒေးဗစ်မယ်လ်ပတ်စ်၊ အပြည်ပြည်ဆိုင်ရာ ငွေကြေးရန်ပုံငွေအဖွဲ့IMF မန်နေးဂျင်းဒါရိုက်တာ ခရစ္စတာလီနာဂျောဂျီဗာတို့ အပါဝင် ကမ္ဘာ့ နိုင်ငံရေးနဲ့  စီးပွားရေးခေါင်းဆောင်တွေ ပါဝင်ဟောပြောသွားကြမှာ ဖြစ်ပါတယ်။