မန်ချက်စတာယူနိုက်တက်အသင်းဟာ လာမယ့်နွေရာသီခြေစမ်းခရီးစဉ်မှာ အမေရိကန်နိုင်ငံကိုသွားရောက်မှာ ဖြစ်ပြီး ဒေါ့မွန်အသင်းနဲ့ ခြေစမ်းပွဲကစားမယ်လို့ သတင်းထုတ်ပြန်ပါတယ်။

ယူနိုက်တက်အသင်းဟာ လာမယ့် ဇူလိုင် ၃၀ ရက်မှာ အမေရိကန်နိုင်ငံ လစ်ဗီးဂတ်မြို့မှာ ဒေါ့မွန်အသင်းနဲ့ ခြေစမ်းမှာပါ။ 

၂၀၁၆ ခုနှစ်က တရုတ်နိုင်ငံမှာ ဒေါ့မွန်နဲ့ ခြေစမ်းကစားပြီးနောက်ပိုင်း ရာသီကြိုခြေစမ်းပွဲမှာ ဒေါ့မွန်နဲ့ ပြန်လည်တွေ့ဆုံတာပါ။ 

ဒါ့အပြင် ဝေးလ်ကလပ် ဝရတ်ဆမ်အသင်းအပြင် နောက်ထပ် အတည်မပြုနိုင်သေး တဲ့အသင်းတစ်သင်းနဲ့လည်း အမေရိကန်ခရီးစဉ်မှာခြေစမ်းမှာပါ။

မန်ယူအသင်းဟာ နည်းပြမော်ရင်ညို လက်ထက် ၂၀၁၈ ခုနှစ်က အမေရိကန်နိုင်ငံကို ရာသီကြိုခြေစမ်းခရီးစဉ်အဖြစ် နောက်ဆုံးအကြိမ်သွားရောက်ခဲ့ဖူးပြီး အဲဒီနောက်ပိုင်း ၅ နှစ်အကြာမှာ နောက်တစ်ကြိမ်ပြန်လည်သွားရောက်တာ ဖြစ်ပါတယ်။ 

ချဲလ်ဆီးကွင်းလယ်ကစားသမားနှစ်ယောက်ဖြစ်တဲ့ ကန်တေနဲ့ လော့်ဖ်တပ်ချိတို့ဟာ ကိုဗစ် ကာကွယ်ဆေးမထိုးရ သေးတဲ့အတွက် အမေရိကန်ခြေစမ်းခရီးစဉ်ကို လိုက်ပါခွင့်မရခဲ့ပါဘူး။

ချဲလ်ဆီးအသင်းဟာ အမေရိကန် ခြေစမ်းခရီးစဉ်မှာလိုက်ပါမယ့် လူစာရင်းကို စနေနေ့က တရားဝင်ထုတ်ပြန်ခဲ့တာပါ။

ကန်တေနဲ့ လော့ဖ်တပ်ချိတို့ဟာ ကိုဗစ်ကာကွယ်ဆေးကို အပြည့်အဝထိုးနှံရခြင်းမရှိသေးတာ ကြောင့် အမေရိကန်နိုင်ငံက သတ်မှတ်ထားတဲ့ ကန့်သတ်ချက်တွေနဲ့ မကိုက်ညီတာကြောင့် လိုက်ပါခွင့်မရခဲ့တာပါ။

အမေရိကန်နိုင်ငံထဲဝင်မယ်ဆိုရင် နိုင်ငံသားတွေကလွဲပြီး တခြားနိုင်ငံသားတွေအနေနဲ့ ကိုဗစ် ကာကွယ်ဆေးအပြည့်အဝ ထိုးနှံထားတဲ့လက်မှတ်ရှိဖို့လိုအပ်တာပါ။

ကန်တေနဲ့ လော့ဖ်တပ်ချိတို့ နှစ်ယောက်ဟာ ပြီးခဲ့တဲ့ရာသီက ကိုဗစ်ရောဂါပိုးတွေ့ရှိခဲ့ဖူး သူတွေဖြစ်ပြီး အသင်းရဲ့ပွဲစဉ်တချို့ကိုလွဲချော်ခဲ့ဖူးပါတယ်။

ချဲလ်ဆီးဟာ အမေရိကန်ခရီးစဉ်မှာ ကလပ်အမေရိက၊ ချားလော့၊ အာဆင်နယ် အသင်းတွေနဲ့ ခြေစမ်းကစားသွားမှာဖြစ်ပါတယ်။