အမေရိကန်ကာကွယ်ရေးဝန်ကြီး လွိုက်အော်စတင်က ပင်တဂွန်ကာကွယ်ရေးဌာနချုပ်ကို မတ် ၂၈ ရက်နေ့က ရောက်ရှိလာတဲ့ စင်ကာပူဝန်ကြီးချုပ် လီရှန်လွန်းကို ကြိုဆိုခဲ့ပါတယ်။ 

ဒီနေ့ လီရှန်လွန်းက သမ္မတဂျိုးဘိုင်ဒင်နဲ့ အိမ်ဖြူတော်မှာ တွေ့ဆုံပြီး အင်ဒိုပိစိတ်ဖိတ်ဒေသ လွတ်လပ်ပွင့်လင်းရေးမှစပြီး ယူကရိန်းစစ်ပွဲအရေးအထိ ဆွေးနွေးဖို့ ရှိပါတယ်။

အိမ်ဖြူတော်ရဲ့ ကြေညာချက်မှာတော့ ဘိုင်ဒင်က ပိစိတ်ဖိတ်ပင်လယ် လွတ်လပ်မှု၊ Supply Chains လုပ်ငန်းများ ပြန်လည်တိုးတက်ရေး၊ ရာသီဥတုအပြောင်းအလဲနဲ့ မြန်မာအရေးတို့အထိ စင်ကာပူဝန်ကြီးချုပ်နဲ့ နက်နက်ရှိုင်းရှိုင်း ဆွေးနွေးသွားမယ်လို့ ဖော်ပြပါတယ်။  

ကိုဗစ်-၁၉ ကပ်ရောဂါ ကူးစက်ခံထားရပြီး အပျော့စားရောဂါလက္ခဏာတွေ ရှိနေတယ်လို့ အမေရိကန်ကာကွယ်ရေးဝန်ကြီး လွိုက်ဒ်အော်စတင်က ဇန်နဝါရီ ၂ ရက်က ပြောပါတယ်။

ဒါပေမဲ့ လာမယ့် ၅ ရက်တာ ကာလအတွင်း အိမ်မှာပဲ ရောဂါခြေချုပ်နဲ့နေပြီး အခွင့်အာဏာ အားလုံးကို ဆက်ထိန်းထားမယ်လို့လည်း ပြောပါတယ်။

အားလပ်ချိန် အိမ်မှာရှိနေတုန်း ရောဂါလက္ခဏာတွေ ခံစားရလို့ တနင်္ဂနွေ အစောပိုင်းက စမ်းသပ်ဖို့ သူက အဆိုပြုခဲ့တာလို့လည်း အော်စတင်က ကြေညာချက်ထဲမှာ ပြောပါတယ်။

အော်စတင်ဟာ သမ္မတဂျိုးဘိုင်ဒင်နဲ့ ဒီဇင်ဘာ ၂၁ ရက်က နောက်ဆုံးတွေ့ခဲ့ပြီး ဒါဟာ ရောဂါလက္ခဏာတွေကို စပြီးမခံစားရသေးခင် သီတင်းပတ် တပတ်ကျော်လောက်က ဖြစ်တယ်လို့လည်း ပြောပါတယ်။