ရိုမေးနီးယားနိုင်ငံမှာ ကျင်းပနေတဲ့ Transylvania အိုးပင်း အမျိုးသမီးတဦးချင်းတင်းနစ် ပြိုင်ပွဲမှာ ဆီမီးအဆင့်မှာ အက်စတိုးနီးယားသူ Anett Kontaveit နဲ့ ရိုမေးနီးယား တင်းနစ်မယ် Simona Halep တို့ အနိုင်ရပြီး ဗိုလ်လုပွဲကို တက်ရောက်သွားပါတယ်။
ပထမဆီမီးပွဲစဉ်မှာ အက်စတိုးနီးယားသူ Anett နဲ့ ဆွီဒင်က Rebecca တို့ ယှဉ်ပြိုင်ခဲ့ရာမှာ Anett က ၆-၃၊ ၆-၂ နဲ့ အနိုင်ရရှိခဲ့ပါတယ်။
ပွဲအပြီးမှာ Anett က နှစ်ရက်တာ ကစားခဲ့တဲ့ ရလဒ်ကို အားရတဲ့အကြောင်းနဲ့ ပြိုင်ဘက် Rebecca ရဲ့ လက်ရည်ကို ချီးကျူးပြီး အနိုင်ရအောင် ခက်ခက်ခဲခဲ ကစားခဲ့ရတယ်လို့ ပြောပါတယ်။
ရိုမေးနီးယား တင်းနစ်မယ် Simona Halep နဲ့ ယူကရိန်းတင်နစ် အကျော်အမော် Marta Kostyuk တို့ ပွဲမှာလည်း Simona က ၆-ဝ၊ ၆-၁ နဲ့ အနိုင်ရခဲ့ပါတယ်။
အနိုင်ရသွားတဲ့ Simona ကလည်း ပြိုင်ဘက်ကို ချီးကျူးစကားပြောပြီး အကြိတ်အနယ်ရှိတဲ့ပွဲမှာ အနိုင်ရတဲ့အတွက် ကျေနပ်တယ်လို့ ပြောသွားပါတယ်။
