ကုလသမဂ္ဂမှာ လူသားချင်း စာနာမှုဆိုင်ရာ လုပ်ငန်းတွေကို ဆောင်ရွက်နေတဲ့ နာမည်ကျော် သရုပ်ဆောင် အင်ဂျလီနာ ဂျိုလီက အမေရိကန် အထက်လွှတ်တော်မှာ အသစ်ပြင်ဆင်လိုက်တဲ့ အမျိုးသမီးများအပေါ် အကြမ်းဖက်မှု ဆန့်ကျင်ရေး အက်ဥပဒေကို ထောက်ခံ ဆွေးနွေးသွားပါတယ်။ 

ဒီဥပဒေဟာ တချို့ အမျိုးသမီးတွေနဲ့ ကလေးငယ်တွေအတွက် နောက်တောင်ကျနေပြီလို့ စိတ်ခံစားမှု အပြည့်နဲ့ ပြောသွားပါတယ်။ 

လွန်ခဲ့တဲ့ တနှစ်က အောက်လွှတ်တော်မှာ ထောက်ခံမဲ ၂၄၄ မဲ၊ ကန့်ကွက်မဲ ၁၇၂ မဲနဲ့ အတည်ပြုခဲ့တဲ့ ဒီဥပဒေဟာ အိမ်တွင်းအကြမ်းဖက်မှုတွေကို ပိုပြီး ကာကွယ်နိုင်အောင် ရေးဆွဲထားတာပါ။

ဒီဥပဒေကို ၁၉၉၄ ခုနှစ်တုန်းက အဲဒီအချိန်က ဆီနိတ် အထက်လွှတ်တော် အမတ်ဖြစ်ခဲ့တဲ့ ဂျိုးဘိုင်ဒင်က တင်သွင်းခဲ့တာ ဖြစ်ပါတယ်။ 

၂၀၁၉ ခုနှစ်မှာ ဥပဒေရဲ့ သက်တမ်း ကုန်ဆုံးခဲ့တာ ဖြစ်လို့ သက်တမ်းတိုးဖို့ လက်ရှိ သမတ ဘိုင်ဒင်ကပဲ ဆော်သြနေတာပါ။ 

အိုင်အိုဝါရဲ့ ဆီနိတ်တာ အမတ်ဖြစ်တဲ့ ဂျိုနီ အန်နက်ကလည်း လွှတ်တော်နှစ်ရပ် ပူးတွဲ သတင်းစာ ရှင်းလင်းပွဲကို တက်ရောက်ပြီး ဥပဒေကို ထောက်ခံ ဆွေးနွေးသွားတာ တွေ့ရပါတယ်။

“ကျမက ကိုယ်တိုင်ကြုံခဲ့သူပါ၊ ကိုယ်ယုံကြည်စိတ်ချတဲ့လူက ကိုယ့်ကို အနိုင်ကျင့်တဲ့အခါ ဘယ်လိုခံစားရလဲဆိုတာကို ကျမ ကိုယ်တိုင်သိခဲ့ရပါတယ်”

မကွေးတိုင်း၊ နတ်မောက်မြို့နယ်၊ တံခွန်တိုင်ကျေးရွာမှာနေထိုင်တဲ့ အသက် ၅၀ အရွယ် ဒေါ်မြမြဝင်းကို နိုဝင်ဘာလ ၂၉ ရက်နေ့၊ မနက် ၂ နာရီဝန်းကျင်က ရိုက်နှက်ဖမ်းဆီးသွားပြီး နေအိမ်အတွင်းက ပစ္စည်းတွေကိုလည်း ဖျက်ဆီးသွားတယ်လို့ သိရပါတယ်။

ဆွေမျိုးနီးစပ်သူတဦးက ''ဘာလို့လာဖမ်းတာလည်း မသိဘူး။ ဘယ်ခေါ်သွားမှန်းလည်း မသိဘူး။ ရဲ ၅ ယောက်လောက်လာဖမ်းတုန်း အချက် ၂၀ လောက်လည်းရိုက်နှက်နေသေးတယ်။ သူ့အိမ်က ပစ္စည်းတွေကိုလည်း ရိုက်နှက်ဖျက်ဆီးသွားတယ်'' လို့ ပြောပါတယ်။

ရိုက်နှက်ဖမ်းဆီးခံရတဲ့ ဒေါ်မြမြဝင်း ရဲ့ အမျိုးသားနဲ့ သားဖြစ်သူတို့ဟာ တခြားနယ်မှာ သွားရောက် အလုပ်လုပ်ကိုင်နေတာလို့ နီးစပ်သူတွေဆီက သိရပါတယ်။

''အဓိကကတော့ ရွာကဒလန်ရဲ့ မဟုတ်မမှန်သတင်းပေးမှုကြောင့်  ရွာက အမျိူးသမီးတဦး မတရားဖမ်းဆီးခံရတာ မဖြစ်သင့်တဲ့ကိစ္စဗျ'' လို့ ကျေးရွာဒေသခံတဦးက ပြောပါတယ်။

တချို့အုပ်ချူပ်ရေးမှူးနဲ့ စာရေးတွေက နုတ်ထွက်ဟန်ဆောင်ပြီး နောက်ကွယ်ကနေ ရွာကိုဒုက္ခပေး နေတာလည်း ဖြစ်နိုင်တယ်လို့ ဒေသခံတွေက သုံးသပ်ပြောဆိုနေကြပါတယ်။

''အမျိုးသမီးတဦးကို ညကြီးအချိန်မတော် ရိုက်နှက်ဖမ်းဆီးတာဟာ လူ့အခွင့်အရေးကို အပြည့်အဝ ချိူးဖောက်ခံလိုက်ရတာဖြစ်လို့ ဆက်လက်စုံစမ်းနေပြီး ဒီကိစ္စကို ICRC နဲ့ AAPP ကို အကြောင်းကြားသွားမယ်'' လို့ လူ့အခွင့်အရေးတက်ကြွလှုပ်ရှားသူ ကိုမင်းက ပြောပါတယ်။

ဒေါ်မြမြဝင်းကို ဖမ်းဆီးသွားတာနဲ့ပတ်သက်ပြီး အသေးစိတ်သိရှိနိုင်ဖို့ နတ်မောက်မြို့မရဲစခန်းကို ဆက်သွယ်မေးမြန်းရာမှာ ''မီဒီယာတွေကို ဖြေလို့ မရဘူး။ အလုပ်ရှုပ်တယ်'' လို့ တာဝန်ကျ ရဲဝန်ထမ်းက ပြန်လည်ဖြေကြားခဲ့ပါတယ်။