ရန်ကုန်၊ ကမာရွတ်မြို့နယ်၊ အင်းယားကန်မှာ ဩဂုတ် ၂၉ ရက် နေ့လယ် ၂ နာရီကျော်လောက်က အမျိုးသား တယောက် ခုန်ချ သေဆုံးသွားတယ်လို့ မီးသတ်တပ်ဖွဲ့က သတင်းထုတ်ပါတယ်။
အင်းယားကန်ထဲ လူတယောက်ခုန်ချတဲ့ သတင်းရလို့ ကမာရွတ်မြို့နယ်မီးသတ်စခန်း တပ်ဖွဲ့ဝင်တွေက ကယ်ဆယ်ရေးလုပ်ငန်းတွေဆောင်ရွက်ခဲ့ရာမှာ ညနေ ၄ နာရီခွဲလောက်မှာ အမျိုးသား ၁ ယောက်ရဲ့ ရုပ်အလောင်းကိုရှာဖွေတွေ့ရှိလို့ မြောက်ဥက္ကလာပ ပြည်သူ့ဆေးရုံကြီးသို့ ပို့ဆောင်ပေးခဲ့တယ်လို့ ဆိုပါတယ်။
အင်းယာကန်ထဲ ခုန်ချခဲ့သူဟာ ဘယ်သူဘယ်ဝါဆိုတာနဲ့ ဘာကြောင့် ခုန်ချတယ်ဆိုတာကိုတော့ အသေးစိတ် မသိရသေးပါဘူး။
Photo- MFSD
မန္တလေးတိုင်း၊ ကျောက်ပန်းတောင်းမြို့၊ လျှပ်စစ်ရုံးရှေ့မှာ ဖေဖော်ဝါရီ ၁ ရက် မွန်းလွဲပိုင်းက အမျိုးသားတယောက် ကိုယ့်ကိုယ်ကိုယ် ဓာတ်ဆီလောင်းပြီး မီးရှို့ ဆန္ဒပြခဲ့တယ်လို့ မြို့ခံတွေဆီကနေ သိရပါတယ်။
ကျောက်ပန်းတောင်းမြို့၊ ပြည်တော်သာရပ်ကွက်မှာ သံပန်းလုပ်ငန်းလုပ်ကိုင်တဲ့ အသက် ၂၀ ကျော်အရွယ် ကိုအောင်အောင်ဟာ ဒီကနေ့မွန်းလွဲ ၁ နာရီလောက်က ကိုယ့်ကိုယ်ကိုယ် ဓာတ်ဆီလောင်း မီးရှို့ပြီး ဆန္ဒပြခဲ့တာလို့ ကျောက်ပန်တောင်းမြို့ခံတစ်ယောက်က ဒီဗွီဘီကို ပြောပါတယ်။
အဲဒီ ဆန္ဒပြတဲ့နေရာမှာ “၂၄ နာရီလုံး အများပြည်သူ ပြည်သား မီးလင်းပါစေ”။ “၂၀၀၁၊ ၂၀၀၂ ပြန်မသွား” ဆိုပြီး ရေးသားထားသည့် စာရွက်အပိုင်းအစကိုလည်း တွေ့ရတယ်လို့ ဆိုပါတယ်။
“သူက သံပန်းလုပ်ငန်း လုပ်တာဆိုတော့ လျှပ်စစ်မီးကို အားကိုးနေရတာပေါ့။ စစ်တပ်က အာဏာသိမ်းပြီးနောက်ပိုင်းမှာ မီးပျက်တာတွေများလာတော့ သူ့လုပ်ငန်းတွေ မလုပ်ရတာကြောင့် စိတ်ခံစားချက်တွေ ရှိနေလို့ လျှပ်စစ်ရုံးရှေ့မှာ အခုလို လုပ်သွားတာဖြစ်နိုင်တယ်” လို့ မြို့ခံက ပြောပါတယ်။
လက်ရှိအချိန်မှာ ကိုအောင်အောင်ကို ကျောက်ပန်းတောင်း ဆေးရုံသို့ ပို့ဆောင်ကာ ကုသမှုပေးနေပြီး အသက်အန္တရာယ် စိုးရိမ်ရတယ်လို့ ဆိုပါတယ်။
စစ်အာဏာသိမ်းပြီးနောက်ပိုင်း ကျောက်ပန်းတောင်းမြို့မှာ လျှပ်စစ်မီး တစ်နေ့ကို ၄ ကြိမ်ထက်မနည်း ပြတ်တောက်မှုဖြစ်ပေါ်နေပြီး မီတာခ မဆောင်တဲ့ နေအိမ်တွေကိုလည်း မီတာဖြုတ်သိမ်းတာတွေ၊ မီးဖြတ်တာတွေ ပြုလုပ်နေတယ်လို့ ဒေသခံတွေဆီကနေသိရပါတယ်။
ကိုအောင်အောင် ဘာကြောင့် ဆန္ဒပြရတယ်ဆိုတာ အတိအကျသိရဖို့ မိသားစုကို ဒီဗွီဘီက ဆက်သွယ်မေးမြန်းဖို့ ကြိုးစားနေဆဲဖြစ်ပါတယ်။
