ရန်ကုန်မှ မော်လမြိုင်ဘက်သို့ ထွက်ခွာလာတဲ့ အမြန်ရထားဟာ ဧပြီ ၈ ရက် မနေ့ မွန်းလွဲ ၂ နာရီခွဲက ရထားဘီးချော်မှုဖြစ်ပွားခဲ့တယ်လို့ မြန်မာ့မီးရထားဌာနနဲ့ ခရီးသည်တွေထံက သိရပါတယ်။
ရန်ကုန်ကနေ ထွက်ခွာလာတဲ့ ရထားဟာ ကျိုက်ကသာဘူတာအကျော် မလော့ချောင်စေတီ၊ တထောင်ကုန်းဘေးတောင်ကုန်းကြားမှာ အရှိန်လွန်ပြီးဘီးချော်ထွက်သွားလို့ ရထားနောက်တွဲ ၃ တွဲ ပျက်ကျန်ပြီး လူစီးတွဲခြောက်တွဲမှာလိုက်ပါလာတဲ့ ခရီးသည်တွေကတော့ ထိခိုက်မှု မရှိဘူးလို့ ရထားစီးခရီးသည်တဦးက ပြောပါတယ်။
သင်္ကြန်ရက်နီးလာတာနဲ့အမျှ မြန်မာ့မီးရထားတွေကို အခုရက်ပိုင်းမှာ အရင်ကထက် ပိုမိုစီးနင်းသူများလာပြီး အခု မတော်တဆဖြစ်တဲ့ ရထားမှာလည်း ခရီးသည်တွေက ရာနဲ့ချီ လိုက်ပါစီးလာကြတယ်လို့ သိရပါတယ်။
ရန်ကုန် - မော်လမြိုင်အမှတ် ၈၉ အဆန် စာပို့ရထားစက်ခေါင်းနဲ့အတူ တွဲဆိုင်း အထက်တန်း ၃ တွဲ ၊ ရိုးရိုးတန်း ၃ တွဲ တို့ဟာ ဧပြီ ၈ ရက် ည ၇ နာရီ ၁၅ မိနစ် ဝန်းကျင်လောက်မှာ မော်လမြိုင် ဘက်သို့ ဆက်လက်ထွက်ခွာလာခဲ့ပြီး ခရီးသည်တွေ အဆင်မပြေဖြစ်ခဲ့ရတဲ့အတွက် တောင်းပန်တယ်လို့ မြန်မာ့မီးရထားက ထုတ်ပြန်ထားပါတယ်။
အင်ဒိုနီးရှားနိုင်ငံက ဂျကာတာ-ဘန်ဒေါင်း အမြန်ရထား (HSR) လမ်းတစ်လျှောက် မိုးပျံရထားလမ်းရဲ့ ယက်မတွေ အားလုံးကိုတပ်ဆင်ပြီးစီးသွားပြီဖြစ်ပြီး လာမယ့် ၂၀၂၃ ခုနှစ် ဇွန်လတွင်မှာ မြန်နှုံးမြင့်ရထားပြေးဆွဲနိုင်စေဖို့ ပြင်ဆင်နေပါတယ်။
ဂျကာတာ-ဘန်ဒေါင်း အမြန်ရထားလမ်း (HSR) ဟာ စုစုပေါင်းအရှည် ၁၄၂ ကီလိုမီတာရှိပြီး ဒီရထားလမ်းစီမံကိန်းဟာ တရုတ်နိုင်ငံရဲ့ ခါးပတ်တကွင်း လမ်းတစင်း စီမံကိန်းရဲ့ အထင်ကရ စီမံကိန်းအစိတ်အပိုင်း တစ်ခုဖြစ်သလို တရုတ်နဲ့ အင်ဒိုနီးရှားတို့ကြား နက်ရှိုင်းတဲ့ ပူးပေါင်းဆောင်ရွက်မှု အထိမ်းအမှတ်လည်းဖြစ်ပါတယ်။
ဆောက်လုပ်ရေး ကန်ထရိုက်တာတွေဟာ တင်းကျပ်တဲ့ အချိန်ဇယား၊ ရှည်လျားတဲ့ သယ်ယူပို့ဆောင်ရေးအချိန်နဲ့ ကုန်းစောင်းမြင့်တဲ့ မြေပြင်တို့ပါတဲ့ အခက်အခဲ အများအပြားကို ကျော်ဖြတ်ပြီး ရထားလမ်းဖောက်လုပ်နေကြတာပါ။
လက်ရှိမှာ ရထားလမ်း တလျှောက်မှာရှိတဲ့ ဥမင် ၁၃ ခုလုံး၊ မြေအောက်အဆင့်၊ တံတားနဲ့ ဘူတာရုံတွေရဲ့ ၉၂ ရာခိုင်နှုန်းကျော် ပြီးစီးပါပြီ။။
ဒီပရောဂျက်အတွက် အံဝင်ခွင်ကျဖြစ်တဲ့ မြန်နှုန်းမြင့်လျှပ်စစ် ခရီးသည်တင်ရထားတစ်စင်းနဲ့ စစ်ဆေးရေးရထားတစ်စင်း အင်ဒိုနီးရှားနိုင်ငံကို စက်တင်ဘာ ၁ ရက်က ရောက်ရှိခဲ့ပါတယ်။
အမြန်နှုန်း တစ်နာရီ ကီလိုမီတာ ၃၅၀ နှုန်းနဲ့ မောင်းနိုင်ပြီး တရုတ်နည်းပညာနဲ့ တည်ဆောက်ထားတဲ့ ဂျကာတာ - ဘန်ဒေါင်း မြန်နှုန်းမြင့် မီးရထားဟာ အင်ဒိုနီးရှားနိုင်ငံ အနောက်ဂျာဗားပြည်နယ်ရဲ့ မြို့တော် ဘန်ဒေါင်းမြို့ကနေ မြို့တော် ဂျကာတာကြား ခရီးကြာချိန်ကို သုံးနာရီကျော်ကနေ မိနစ် ၄၀ လောက်အထိပဲကြာအောင် လျှော့ချနိုင်မှာ ဖြစ်ပါတယ်။
