ပြင်သစ်နိုင်ငံ မြို့တော်ပဲရစ်မှာ ကာ့ဒ်တက်ကြွလှုပ်ရှားသူ ၃ ဦး သတ်ဖြတ်ခံခဲ့ရတဲ့ ၁၀ နှစ်ပြည့် အထိမ်းအမှတ်အဖြစ်  ဇန်နဝါရီ ၇ ရက်က နိုင်ငံတွင်းနေထိုင်တဲ့ ကာ့ဒ်လူမျိုး ထောင်ပေါင်းများစွာ ဟာ ပဲရစ်မြို့လမ်းတွေပေါ်မှာ ချီတက်ခဲ့ကြပါတယ်။ 

၂၀၂၂ ခုနှစ် ဒီဇင်ဘာလနှောင်းပိုင်းမှာ ဖြစ်ပွားခဲ့တဲ့ ပါရီမြို့၊ ခရိုင် ၁၀ ရှိ လူစည်ကားရာ အရပ်က ကာ့ဒ်ယဉ်ကျေးမှုစင်တာနဲ့ အနီးအနားရှိ ကော်ဖီဆိုင်ကို သေနတ်သမားတဦးက ပစ်ခတ် တိုက်ခိုက်ခဲ့တာကြောင့် ကာ့ဒ်လူမျိုး ၃ ဦး သေဆုံးပြီး နှစ်ပတ်အကြာမှာ ဒီဆန္ဒပြချီတက်မှုပေါ်ပေါက်လာခဲ့တာပါ။ 

ရဲတပ်ဖွဲ့က အသက် ၆၉ နှစ်အရွယ် အမျိုးသားတဦးကို ဖမ်းဆီးခဲ့ပြီး သူဟာ ၂၀၂၁ ခုနှစ်က ပဲရစ်မြို့ရှိ ရွှေ့ပြောင်း အခြေချစခန်းတခုကို ဓားနဲ့တိုက်ခိုက်မှုကြောင့် ရုံးတင်စစ်ဆေးနေစဉ် မကြာသေးမီကမှ အကျဉ်းကျထောင်ကနေ လွတ်မြောက်လာခဲ့သူဖြစ်တယ်လို့ အာဏာပိုင်တွေက ဆိုပါတယ်။ 

ပြီးခဲ့တဲ့ စနေနေ့ ချီတက်ဆန္ဒပြပွဲဟာ ၂၀၁၃ ခုနှစ် ပဲရစ်မြို့တိုက်ခိုက်မှုအတွင်း သေဆုံးခဲ့ရတဲ့ ကာ့ဒ်အမျိုးသမီး ၃ ဦးကို အောက်မေ့သတိရစေဖို့ ရည်ရွယ်တာလို့လည်း သိရပါတယ်။

ဒီဖြစ်ရပ်အတွက် အဓိကသံသယရှိသူက တရားခွင်ကို ရောက်မလာခင်မှာ သေဆုံးသွားတာ ကြောင့် စုံစမ်းစစ်ဆေးမှုကို ရုတ်သိမ်းခဲ့ပြီး ၂၀၁၉ ခုနှစ်မှာမှ အမှုပြန်လည်ဖွင့်လှစ်ခဲ့တာပါ။ 

“ပြင်သစ်မှာ ကျမတို့ လုံခြုံတယ်လို့ မခံစားရတာတော့ အမှန်ပါ။ ၁၀ နှစ်ပြည့်တိုင်း ပဲရစ်မြို့မှာ ကာ့ဒ်အသိုင်းအဝိုင်းက လူ ၃ ဦး သတ်ဖြတ်ခံနေရတာကိုတွေ့ရင် ဒေါသထွက်စေပါတယ်” ဆိုပြီး ဆန္ဒပြကာ့ဒ်လူမျိုးတဦးဖြစ်တဲ့ ဆီမီးလ် ရန့်ခ်လီကေးက ဆိုပါတယ်။ 

စစ်ကိုင်းတိုင်း၊ ရွှေဘိုခရိုင်၊ ဝက်လက်မြို့နယ်၊ မင်းသာကန်ကျေးရွာအုပ်စု၊ ဘိုတဲကျေးရွာမှာ ဇွန် ၆ ရက်  ညနေ ၆ ဝန်းကျင်က ကျောင်းဆရာမနှစ်ယောက်ကို အမည်မသိအဖွဲ့က လာရောက် ပစ်သတ်သွားတယ်လို့ ဒေသခံရွာသားတွေက ပြောပါတယ်။

သေဆုံးသူတွေဟာ ဘိုတဲ ကျေးရွာမူလတန်းလွန်ကျောင်းအုပ်ဆရာမ ဒေါ်မိုမိုခိုင်နဲ့ ဒေါ်ကေဇာခိုင် ဖြစ်တယ်လို့ သိရပါတယ်။

“သတ်ခံရတာက နေအိမ်အတွင်းမှာ အသတ်ခံရတာဗျ။ ဘာကြောင့် အသတ်ခံရတာကတော့ မသိဘူး။ ကျနော်တို့က အပြင်ပိုင်း အသတ်ခံရတာလောက်ပဲ သိရတာ” လို့ အမည်မဖော်လိုသူ ဒေသခံတဦးက ပြောပါတယ်။

ဆရာမနှစ်ဦးကို‌ နေအိမ်အတွင်း ပစ်သတ်သွားတာဟာ ဘယ်အဖွဲ့အစည်းက ပြုလုပ်တယ် ဆိုတာကိုတော့ သတင်းထုတ်ပြန်ထားတာ မရှိသေးပါဘူး။

စစ်ကိုင်းတိုင်းအတွင်း ဇွန်လဆန်းပိုင်းကစတင်ပြီး အခုလို ကျောင်းဆရာမတွေ အသတ်ခံရတာဟာ ၃ ဦးအထိ ရှိနေပြီလို့ ပညာရေးအသိုက်အဝန်းကနေ သိရပါတယ်။

ပြီးခဲ့တဲ့ ဇွန် ၅ ရက်နေ့ကလည်း မုံရွာ-အရာတော်လမ်းမှာ အလယ်တန်း ကျောင်းအုပ်ဆရာမတယောက် ပစ်သတ်ခံရတယ်လို့ ဒေသခံတွေက ပြောပါတယ်။