ကမ္ဘာ့ဖလားပြိုင်ပွဲပြီးကတည်းက ဒဏ်ရာကြောင့် အနားယူခဲ့ရတဲ့ တိုက်စစ်မှူး ဂါဘရီယယ်ဂျေဆုဟာ  အသင်းနဲ့အတူ လေ့ကျင့်ခန်းပြန်ဆင်းနေပြီဖြစ်ပါတယ်။

ဘရာဇီးတိုက်စစ်မှူးဟာ ပြီးခဲ့တဲ့နှစ် နိုဝင်ဘာလက ဝုဗ်အသင်းကို ၂ ဂိုး ဂိုးမရှိနဲ့အနိုင်ရတဲ့ပွဲမှာ နောက်ဆုံးပါဝင်ကစားခဲ့တာပါ။ ဘရာဇီးလက်ရွေးစင်အသင်းမှာ လေ့ကျင့်ရင်းဒဏ်ရာရခဲ့ပြီး ကမ္ဘာ့ဖလားပြိုင်ပွဲမပြီးခင်မှာပဲ လူစာရင်းကနေ နုတ်ထွက်ခဲ့ရတာပါ။

ဒူးဒဏ်ရာကို ခွဲစိတ်ကုသခဲ့ရတာကြောင့် သုံးလကျော်အနားယူခဲ့ရပြီး လက်ရှိအချိန်မှာ အသင်းနဲ့အတူ လေ့ကျင့်ခန်းပြန်ဆင်းနိုင်ခဲ့တာပါ။ ဂျေဆုဟာ စပို့တင်းလစ္စဘွန်းနဲ့ ကစားရမယ့် ယူရိုပါလိဂ်ပွဲစဉ်မှာ အသင်းလူစာရင်းနဲ့အတူ လိုက်ပါလာမှာဖြစ်ပေမယ့် ပွဲကစားနိုင်မှာတော့မဟုတ် သေးဘူးလို့သိရပါတယ်။

သူ့ကိုအာဆင်နယ်အသင်းနဲ့ နောက်ထပ်ပွဲစဉ် ၂ ပွဲမှာလည်း အရဲစွန့်ပြီး အသုံးပြုဖို့မရှိသေးဘဲ နိုင်ငံတကာပွဲစဉ်တွေပြီးတဲ့အချိန်ရောက်မှ စတင်ပွဲထွက်ခွင့်ပေးဖို့ရှိပါ တယ်။ ဂျေဆုဟာ အာဆင်နယ်နဲ့ ပရီးမီးယားလိဂ် ၁၄ ပွဲကစားအပြီးမှာ ၅ ဂိုးသွင်း ၅ ကြိမ် ဂိုးဖန်တီးမှုပြုလုပ် နိုင်ခဲ့ပါတယ်။

ဘရာဇီးလက်ရွေးစင်အသင်း လူစာရင်းကနေ ချန်လှပ်ခံခဲ့ရပေမဲ့ နည်းပြအဖွဲ့ရဲ့ ဆုံးဖြတ်ချက်အပေါ် အပြစ်မမြင်ဘဲ လေးစားမှုရှိကြောင်း တိုက်စစ်မှူး ဂျေဆုက ပြောပါတယ်။

အာဆင်နယ်တိုက်စစ်မှူး ဂျေဆုဟာ အသင်းဖော်တွေဖြစ်ကြတဲ့ ဂါဘရီယယ်နဲ့ မာတင်နယ်လီ တို့နဲ့အတူ ဘရာဇီးလက်ရွေးစင်အသင်းမှာ ရွေးချယ်ခံရခြင်း မရှိခဲ့တာပါ။

အသင်းလူစာရင်း မထုတ်ပြန်ခင်ကတည်းက နည်းပြထိထီက ဆက်သွယ် စကားပြောခဲ့ကြောင်း၊ နည်းပြအဖွဲ့ရဲ့ ဆုံးဖြတ်ချက်အပေါ် လေးစားကြောင်း၊ ရွေးချယ်ခံရတဲ့ ကစားသမားတွေဟာလည်း အရည်အချင်း ရှိကြသူတွေဖြစ်ကြောင်း ဂျေဆုက ပြောပါတယ်။

လက်ရွေးစင်မှာ ထပ်မံရွေးချယ်ခြင်း မခံရတာဟာ ပိုကောင်းဖို့ လိုအပ်သေးတာကြောင့် ဖြစ်နိုင်ပြီး အကောင်းဆုံးခြေစွမ်းရဖို့ အမြဲတမ်း ကြိုးပမ်းသွားမှာဖြစ်ကြောင်းလည်း ပြောပါတယ်။ ဂျေဆုဟာ အာဆင်နယ်နဲ့ ၇ ပွဲ ကစားအပြီးမှာ ၄ ဂိုးသွင်း ၃ ဂိုး ဖန်တီးမှု ပြုလုပ်နိုင်ခဲ့ပါတယ်။

သူဟာ ဘရာဇီးအတွက် စုစုပေါင်း ၅၆ ပွဲ ကစားခဲ့ရာမှာ ၁၉ ဂိုး သွင်းယူထားပါတယ်။