တူရကီနိုင်ငံက အတိုက်အခံခေါင်းဆောင် ကမ်မယ်ကီလစ်ချ်ဒါရိုဂလူဟာ မေ ၁၄ ရက်မှာလုပ်မယ့် သမိုင်းဝင်ရွေးကောက်ပွဲမှာ လက်ရှိသမ္မတ တေးယစ်ပ်အာဒိုဂန်အတွက် အဓိကစိန်ခေါ်သူ တစ်ဦး ဖြစ်လာမှာပါ။ 

ပါတီ ၆ ခုပါဝင်တဲ့ မဟာမိတ်အဖွဲ့က ကီလစ်ချ်ဒါရိုဂလူကို သမ္မတလောင်းအဖြစ် အများမျှော်လင့်ထားတဲ့အတိုင်း ရွေးချယ်ခဲ့ပါတယ်။ 

အဓိကအတိုက်အခံဖြစ်တဲ့ ရီပတ်ဘလီကန် ပြည်သူ့ပါတီ (CHP)ရဲ့ အကြီးအကဲဖြစ်သူ အသက် ၇၄ နှစ်အရွယ် ကီလစ်ချ်ဒါရိုလူဟာ ပြီးခဲ့တဲ့ဖေဖော်ဝါရီလမှာ အတိုက်အခံမဟာမိတ်အဖွဲ့ရဲ့ သမ္မတလောင်း အဖြစ် ရွေးချယ်ခံထားရတာပါ။ 

၂၀၁၀ ခုနှစ်မှာ ဗဟိုလက်ဝဲယိမ်းပါတီ CHP ရဲ့ ပဲ့ကိုင်သူအဖြစ် ကီလစ်ချ်ဒါရိုဂလူ က တာဝန်ယူခဲ့ပြီး နောက်ပိုင်း ပါလီမန်ရွေးကောက်ပွဲတွေအတွင်း အာဒိုဂန် ရဲ့ AKP ပါတီနဲ့ ကွာဟချက် ကျဉ်းမြောင်းအောင် စွမ်းဆောင်နိုင်ခဲ့ခြင်းတော့ မရှိပါဘူး။ 

တက်ကြွလှုပ်ရှားတဲ့ အစိုးရဝန်းထမ်းဟောင်းဖြစ် သူ ကီလစ်ချ်ဒါရိုဂလူ ဟာ ၂၀၀၂ခုနှစ်မှာ CHP ပါတီနဲ့အတူ ပါလီမန်လွှတ်တော်ထဲကို ဝင်ရောက်လာခဲ့တာပါ။ 

စစ်တမ်းတွေအရ ကီလီချ်ဒါရိုလူအတွက် အချိန်အခါကောင်းတွေ ရောက်လာနိုင်တယ်လို့ ဖော်ပြထားပါတယ်။

၂၀၁၇ ခုနှစ်မှာလည်း သူ့ရဲ့ လွှတ်တော်အမတ်တစ်ဦးကို ထောင်သွင်းအကျဉ်းချခဲ့တာကြောင့် အန်ကာရာမြို့ ကနေ အစ္စတန်ဘူလ် မြို့အထိ ချီတက်ဆန္ဒပြရာကနေ သူ့ကို လူသိများလာခဲ့တာပါ။

နောက်ပိုင်းမှာတော့ အမျိုးသားရေးဝါဒအပေါ် ဗဟိုပြုတဲ့ IYI အမည်ရ မဟာမိတ်ပါတီတစ်ခု ထူထောင်ရာမှာ သူကိုယ်တိုင် ဦးဆောင်ခဲ့ပါတယ်။ 

ဒီပါတီဟာ အစ္စတန်ဘူလ်နဲ့ အန်ကာရာမြို့က မြူနီစပယ်ရွေးကောက်ပွဲတွေမှာ အနိုင်ရရှိအောင် ကူညီပေးခဲ့လို့ တူရကီသမ္မတ အာဒိုဂန်ကို တုန်လှုပ်စေခဲ့ပါတယ်။ 

ဆွီဒင်နိုင်ငံက တူရကီနိုင်ငံအပေါ် ချမှတ်ထားတဲ့ ပိတ်ဆို့အရေးယူမှုတွေကို တူရကီအနေနဲ့ လျစ်လျူမရှုနိုင်ကြောင်း တူရကီသမ္မတ တေယစ်ပ်အာဒိုဂန်က မေ ၂၃ ရက်မှာ ပြောကြား ခဲ့ပါတယ်။ 

တူရကီဟာ နေတိုးမဟာမိတ်တွေ ချမှတ်ထားတဲ့ ပိတ်ဆို့အရေးယူမှုတွေကို ရုတ်သိမ်းဖို့ ဆွေးနွေးဆဲဖြစ်ကြောင်း သူ့နိုင်ငံရဲ့ နေတိုးအဖွဲ့မှာ အရေးပါတဲ့အခန်းကဏ္ဍကို ကိုးကားပြီးတော့ သမ္မတအာဒိုဂန်က အစ္စတန်ဘူလ်က ရေငုပ်သင်္ဘော ထုတ်လုပ်ရေး အခမ်းအနားမှာ ပြောကြားခဲ့တာပါ။  

ဆွီဒင်ဝန်ကြီးချုပ် မာဂလေနာအန်ဒါဆွန် ဆီကို စနေနေ့က ဖုန်းခေါ်ဆိုပြီး အာဒိုဂန်က ပြောကြားခဲ့ရာမှာ ၂၀၁၉ ခုနှစ်က ဆီးရီးယား ကျုးကျော်စစ်အပြီးမှာ တူရကီအပေါ် ချမှတ်ထားတဲ့ လက်နက်ပြည်ပတင်ပို့မှုအပေါ် ပိတ်ဆို့မှုကို  ရုတ်သိမ်းသင့်တယ်လို့ ပြောကြားခဲ့ပါတယ်။

လုံခြုံရေးဆိုင်ရာ သတိတရားတွေကို ထည့်မစဉ်းစားထားတဲ့ ချဲ့ထွင်ရေးမူဝါဒတွေဟာ တူရကီနဲ့ နေတိုးအတွက် မကောင်းကြောင်းလည်း  အာဒိုဂန်က ပြောကြားခဲ့ပါတယ်။ 

ဆွီဒင်နဲ့ ဖင်လန်တို့ရဲ့ ကမ်းခြေနေ ဒေသခံတွေဟာ ကာဒစ္စတန်အလုပ်သမားများပါတီ (PKK) အဖွဲ့နဲ့ ၂၀၁၆ ခုနှစ်က အာဏာသိမ်းဖို့ကြိုးပမ်းမှုကို ကြိုးကိုင်နေကြောင်း စွပ်စွဲထားတဲ့ ဖှက်သူလာ ဂူလန်ရဲ့နောက်လိုက်တွေနဲ့ အချိတ်အဆက်တွေ ရှိတယ်လို့လည်း တူရကီအစိုးရက ပြောပါတယ်။ 

ရုရှားဟာ ဖေဖော်ဝါရီ ၂၄ ရက်မှာ ယူကရိန်းကို ကျူးကျော်လာပြီးနောက် ဖင်လန်နဲ့ ဆွီဒင်တို့ဟာ နေတိုးအဖွဲ့ကို ဝင်ရောက်ဖို့ ပြီးခဲ့တဲ့ ဗုဒ္ဓဟူးနေ့က တရားဝင် လျှောက်ထားခဲ့ပါတယ်။ 

တူရကီက အဲဒီနှစ်နိုင်ငံ နေတိုးအဖွဲ့ဝင်ဖြစ်မှုကို ကန့်ကွက်လိုက်တာကြောင့် နေတိုးမဟာမိတ်နိုင်ငံ တွေ အံအားသင့်ခဲ့ရပါတယ်။

ဒါပေမဲ့ တူရကီရဲ့ ကန့်ကွက်မှုတွေဟာ  နေတိုးအဖွဲ့၀င် ဖွဲ့စည်းမှုလုပ်ငန်းစဉ်အတွက် လမ်းပိတ်သွားမှာ မဟုတ်ကြောင်း အနောက်နိုင်ငံခေါင်းဆောင်တွေက သူတို့ယုံကြည်မှုကို ထုတ်ဖော် ပြောခဲ့ပါတယ်။