လီဗာပူးအသင်းမှာ ကစားခွင့်ရမှာက အိပ်မက်တစ်ခုဖြစ်တယ်လို့ ကွင်းလယ်လူ အာသာမယ်လိုက ပြောပါတယ်။
ဘရာဇီးကွင်းလယ်လူကို လီဗာပူးအသင်းက တစ်ရာသီအငှားစာချုပ်နဲ့ ခေါ်ယူခဲ့တာပါ။ အသင်းနဲ့အတူ စာချုပ်ချုပ်ဆိုအပြီးမှာတော့ ကမ္ဘာ့ဘောလုံးလောကမှာ ကြီးမားတဲ့ကိုယ်စားပြုမှုရှိတဲ့ လီဗာပူးအသင်းဂျာစီကို ဝတ်ဆင်ခွင့်ရတာက ဂုဏ်ယူစရာကောင်းသလို သူ့အတွက် အိပ်မက်တစ်ခု ဖြစ်တယ်လို့လည်း အာသာမယ်လိုကပြောပါတယ်။
လီဗာပူးအသင်းနဲ့ ကစားပုံနဲ့လည်း အံဝင်ခွင်ကျ ဖြစ်မယ်လို့ထင်ပြီး မှန်ကန်တဲ့ရွေးချယ်မှုဖြစ်ကြောင်းလည်း အာသာကပြောပါတယ်။
အသက် ၂၆ နှစ်ရှိ အာသာဟာ ဘရာဇီးကလပ် ဂရီမီယိုအသင်းမှာ ကစားသမားဘဝစတင်ခဲ့ပြီး ၂၀၁၈ ခုနှစ်မှာ ဘာစီလိုနာ၊ ၂၀၂၀ ပြည့်နှစ်မှာ ဂျူဗင်တပ်အသင်းဆီကိုပြောင်းရွှေ့ကစားခဲ့တာပါ။ သူဟာ ဂျူဗင်တပ်နဲ့ ဘာစီလိုနာအသင်းတွေမှာ စုစုပေါင်း ၁၃၅ ပွဲကစားခဲ့ပြီး ၅ ဂိုးသွင်းခဲ့ပါတယ်။
အာဆင်နယ်အသင်းဟာ ကွင်းလယ်မှာ လူအင်အားဖြည့်တင်းဖို့ စီစဉ်နေပြီး ဂျူဗင်တပ်ကွင်းလယ်လူ အာသာမယ်လိုကို ခေါ်ယူဖို့ဆွေးနွေးနေပါတယ်။
၂၀၂ဝ ပြည့်နှစ်က ဘာစီလိုနာကနေ ပြောင်းရွှေ့ လာတဲ့ ဘရာဇီးကွင်းလယ်လူ အာသာမယ်လိုဟာ အီတလီကလပ်မှာ ပုံမှန်ပွဲထွက်ခွင့်မရ ဖြစ်ခဲ့ပါတယ်။
အာဆင်နယ်အသင်းဟာ သောမက်စ်ပါတေးနဲ့ အယ်နန်နီတို့ နှစ်ဦးကို အာဖရိကဖလားယှဉ်ပြိုင်နေတဲ့ ဂါနာနဲ့ အီဂျစ်အသင်းထံ စေလွှတ်ပေးခဲ့ရတာကြောင့် ကွင်းလယ်လူတစ်ဦးခေါ်ယူဖို့ ချိတ်ဆက်နေတာပါ။
စကိုင်းစပေါ့အီတလီယာရဲ့ အဆိုအရတော့ အာဆင်နယ်ဟာ အာသာမယ်လိုအတွက် ဆွေးနွေးနေပြီး အငှားစာချုပ်နဲ့ဖြစ်တယ်လို့ ဖော်ပြပါတယ်။
လိုင်ယွန်က ဘရာဇီးကွင်းလယ်လူ ဘရူနိုဂွီမာရေးစ်ကိုလည်း ခေါ်ယူလိုပေမယ့် ပေါင် ၃၇ သန်းခွဲ သတ်မှတ်ထားတာကြောင့် ဘရာဇီးသား အာသာမယ်လိုကို အငှားနဲ့ခေါ်ယူဖို့ အာဆင်နယ်က ဆွေးနွေးခဲ့တာလို့ သိရပါတယ်။
