close

အိမ်ရာမဲ့

close

March 13, 2023

ရန်ကုန်၊ သိမ်ဖြူလမ်းနှင့် ကမ်းနားလမ်းထောင်တွင် အမျိုးသား ၁ ဦး၏ ရုပ်အလောင်းတွေ့

ရန်ကုန်မြို့၊ ဗိုလ်တထောင်မြို့နယ် သိမ်ဖြူလမ်းနဲ့ ကမ်းနားလမ်းထောင့်က အုတ်ခုံပေါ်မှာ မတ်လ ၁၃ ရက်ဒီနေ့ မနက် ၉ နာရီကျော်က ထိုင်လျက် သေဆုံးနေတဲ့ အမျိုးသားတစ်ဦးရဲ့ ရုပ်အလောင်းကို တွေ့ရှိခဲ့တယ်လို့ မြို့ခံတွေဆီက သိရပါတယ်။

သိမ်ဖြူလမ်းနဲ့ ကမ်းနားလမ်းထောင့်က အုတ်ခုံပေါ်မှာ အမည်မသိအမျိုးသားတစ်ဦးဟာ အုတ်ခုံပေါ်မှာ ထိုင်လျက်သေဆုံးနေတာကို တွေ့ရလို့ ရပ်မိရပ်ဖတွေက ပရဟိတအဖွဲ့ကို ဖုန်းဆက်အကူအညီတောင်းခဲ့တာလို့ သိမ်ဖြူလမ်းမှာနေထိုင်သူတစ်ဦးက ဒီဗွီဘီကိုပြောပါတယ်။

“ဘယ်ကလာပြီး သေနေတာလဲတော့ မသိဘူး။ ရပ်ကွက်က လူတွေလည်း ပရဟိတအဖွဲ့ကို ဖုန်းဆက်တော့ ပရဟိတအဖွဲ့ရော ရဲတွေရော စစ်သားတွေပါရောက်လာပြီး လူနာတင်ယာဥ်နဲ့သယ်သွားတယ်”လို့ ပြောပါတယ်။

သေဆုံးသူအမျိုးသားရဲ့ ရုပ်အလောင်းကို  ရှင်သန်ရေးကူညီမှုအသင်းက လူနာတင်ယာဥ်နဲ့ ရန်ကုန်ဆေးရုံကြီးကို ပို့ဆောင်ပေးခဲ့တယ်လို့ ရပ်မိရပ်ဖတစ်ဦးက ဒီဗွီဘီ ကိုပြောပါတယ်။

“ရဲတွေကတော့ စစ်နေတယ် ဘယ်လိုသေလဲဆိုတာကို စစ်သားတွေရော ရောက်လာတာ”လို့ ပြောပါတယ်။

ရန်ကုန်တိုင်း လှိုင်သာယာ(အရှေ့ပိုင်း) ၊(အနောက်ပိုင်း)၊ မင်္ဂလာဒုံနဲ့ မင်္ဂလာတောင်ညွန့်မြို့နယ်တို့မှာ ပြီးခဲ့တဲ့ ဇန်နဝါရီမှ ဖေဖော်ဝါရီလအတွင်း သေဆုံးခဲ့တဲ့ အိမ်ရာမဲ့ ၁၁ ဦးရှိတယ်လို့  သတင်းအချက်အလက်တွေအရ သိရပါတယ်။

13 hours Ago

February 7, 2023

ပြည်မြို့တွင် အိမ်ရာမဲ့ အမျိုးသား ၂ ဦး သေဆုံး

ပဲခူးတိုင်း (အနောက်ခြမ်း)၊ ပြည်မြို့မှာ နှစ်ရက်ဆက်တိုက် အိမ်ရာမဲ့ အမျိုးသားနှစ်ဦး သေဆုံးခဲ့တယ်လို့ လူမှုကယ်ဆယ်ရေးတွေ ဆောင်ရွက်ခဲ့တဲ့ မြို့ခံပရဟိတအသင်းက ပြောပါတယ်။

ဖေဖော်ဝါရီ ၅ ရက် ညပိုင်းက ပြည်မြို့ ဆံတော်ရပ်ကွက်မှာ တဦး၊ ဖေဖော်ဝါရီ ၆ ရက် မနက်ပိုင်းက နဝဒေးလမ်းဘေးမှာ တဦး သေဆုံးခဲ့တယ်လို့ ဆိုပါတယ်။

သေဆုံးခဲ့တဲ့သူတွေဟာ နာတာရှည်ရောဂါမရှိဘဲ သွားလာလှုပ်ရှားနေရင်း သေဆုံးတာဖြစ်ပြီး အခုလိုသေဆုံးတဲ့ဖြစ်စဉ်မျိုး မကြာခဏဆိုသလို ဖြစ်ပွားနေကာ သတိလစ်တယ်ထင်လို့ ဖုန်းဆက်အကူအညီတောင်းလို့ သွားကြည့်တဲ့အခါ သေဆုံးနေပြီလို့ ပရဟိတပါရမီ လူမှုကယ်ဆယ်ရေးအသင်းက ဒီဗွီဘီကို ပြောပါတယ်။

အိမ်ရာမဲ့အများစုဟာ မူးယစ်ဆေးအနေနဲ့ ကော်ရှူကြပြီး အရင်က ပြည်မြို့ ကမ်းနားလမ်းမှာ နေထိုင်နေကြကာ စစ်တပ်က ဖယ်ရှားပြီးတဲ့နောက် မြို့နေရာအနှံ့ သွားလာနေပြီး အခုလို သေဆုံးမှုတွေ ရှိလာတာလို့လည်း ဆိုပါတယ်။

သေဆုံးသူအများစုက အသက် ၄၀ ဝန်းကျင် အမျိုးသားတွေဖြစ်ပြီး ပြီးခဲ့တဲ့ ဒီဇင်ဘာနဲ့ ဇန်နဝါရီလတွေမှာ အခုလို သေဆုံးခဲ့တဲ့ အမျိုးသား ၅ ဦး ရှိခဲ့တယ်လို့လည်း သိရပါတယ်။

1 month Ago
Up