မကွေးတိုင်း မြိုင်မြို့နယ် အိုင်းမကျေးရွာကို ဧပြီ ၈ ရက် မနက်မှာ စစ်တပ်က မီးရှို့ခဲ့တာကြောင့် နေအိမ် ၁၈ လုံး ဆုံးရှုံးခဲ့တယ်လို့ ဒေသခံတွေက ပြောပါတယ်။

အဲဒီစစ်ကြောင်းဟေ ဧပြီ ၉ ရက် မနက်မှာ ညောင်အုပ်၊ ဖောင်းကွဲဘက်ကို ဝင်ရောက်ပြီး ညောင်အုပ်ရွာက နေအိမ်တအိမ်ကို မီးရှို့ဖျက်ဆီးခဲ့ကာ ညောင်အုပ်ဘုန်းကြီး ကျောင်းထဲမှာ ရှိ နေသေးတယ်လို့ ဆိုပါတယ်။

အဲဒီစစ်ကြောင်းအပြင် မြိုင်နယ်အရှေ့ပိုင်း သံပုရာခြံရွာ နဲ့ အရှေ့တောင်ပိုင်း ဝက်ကျရွာဘက်တွေ မှာ စစ်​ကြောင်း ၂ ကြောင်း ဝင်မွှေနေကြတာလို့ ဒေသခံက ပြောပါတယ်။

စစ်ကောင်စီစစ်ကြောင်းတွေကြောင့် ညောင်အုပ်၊ ဖောင်း ကွဲ၊ တဲကြီးယာ၊ တည်ပင်၊ တောင်ရွာ၊ သံပုရာ​ခြံ၊ ဝက်ကျရွာက ဒေသခံ ၃၀၀၀ ကျော် ထွက်ပြေးနေရတယ်လို့ ဆိုပါတယ်။

ဝက်ကျရွာနဲ့ နှမ်းဆီကန်ရွာဘက်က စစ်ကြောင်းတွေမှာတော့ ဒေသခံပြည်သူတချို့ ပိတ်မိနေပြီး ဖမ်းဆီးခံရတဲ့ သူတွေလည်း ရှိနေတယ်လို့ဆိုပါတယ်။

စစ်တပ်အာဏာသိမ်းပြီးနောက် ၂၀၂၃ ခုနှစ် ဖေဖော်ဝါရီ ၂၈ ရက်အထိ လက်နက်ကိုင် တော်လှန်မှုများတဲ့ မကွေးတိုင်က ကျေးရွာတွေကို စစ်ကြောင်ထိုးပြီး မီးရှို့ ဖျက်ဆီးခဲ့လို အိမ်ခြေပေါင်း ၉၀၁၉ လုံး မီးလောင်ဆုံးရှုံးခဲ့တယ်လို့ Data For Myanmar က မတ် ၁၉ ရက်မှာ ထုတ်ပြန်ပါတယ်။

မကွေးတိုင်း၊ ဂန့်ဂေါခရိုင်၊ ဂန့်ဂေါမြို့နယ်အတွင်းရှိ ကြားကာလပညာရေး သင်ကြားနေတဲ့ အခြေခံပညာကျောင်းများကို အမျိုးသား ညီညွတ်ရေး အစိုးရ၊ ပညာရေး ဝန်ကြီးဌာနက ကျပ် သိန်း (၃၀,၇၅၀,၀၀၀) ကျပ် သိန်း သုံးရာ ခုနှစ်သိန်း ငါးသောင်းကျပ် တိတိအား ထောက်ပံ့ငွေ ပေးအပ်ခဲ့တယ်လို့ ဂန့်ဂေါမြို့နယ် ပညာရေးဘုတ်အဖွဲ့၊ သတင်းနှင့် ပြန်ကြားရေးအဖွဲ့ဆီက ပြောပါတယ်။

"ကျောင်းသား / သူ အရေအတွက် ၅၀ ဦးကို တယူနစ် သက်မှတ်ပြီး၊ တယူနစ်ကို ကျပ် ၁၅၀,၀၀၀ ပေးပါတယ်ဗျ။ စုစုပေါင်း ၂၀၅ ယူနစ် ရှိတဲ့အတွက် ကျပ်သိန်း (၃၀,၇၅၀,၀၀၀) ပါ။" လို့ သတင်းနှင့် ပြန်ကြားရေးအဖွဲ့ဝင်ဦးက ပြောပါတယ်။

အဆိုပါ ထောက်ပံငွေ ပေးအပ်ပွဲကို ခရိုင် / မြို့နယ် ပညာရေး တာဝန်ခံများ၊ ပညာရေးဘုတ် တွဲဖက် အတွင်းရေးမှူး၊ ပညာရေးဘုတ် အဖွဲ့ဝင်တွေ၊ ကျန်းမာရေး တာဝန်ခံတွေ၊ ပြည်သူ့ကာကွယ်ရေးတပ် တပ်ရင်းမှူးနဲ့ ရပ်ကျေး ပအဖ၊ ပကဖ တွေနဲ့ ကျောင်း တာဝန်ခံတွေ တက်ရောက်ခဲ့ကြပါတယ်။

မကွေးတိုင်း၊ ထီးလင်းမြို့နယ်၊ အိုင်းမရွာမှာ  ရွာသားတွေရဲ့ နေအိမ်တွေကို စစ်ကောင်စီတပ်က အောက်တိုဘာ ၂၆ ရက် ဒီနေ့မနက်ပိုင်းမှာ မီးရှို့ဖျက်ဆီးသွားတယ်လို့ ဒေသခံတွေက ပြောပါတယ်။

အိုင်းမကျေးရွာက ဦးချစ်စရာ၊ ဦး‌အောင်လင်းနဲ့ ဦးမိုးကျော်တို့ရဲ့ နေအိမ်တွေ အပါအဝင် ဒေသခံနေအိမ် ၆ လုံးနဲ့ အိုင်းမရွာနဲ့ ၂ ဖာလုံလောက်ဝေးတဲ့ ချောင်းပေါက်လမ်းခွဲက ဆိုင်ခန်း ၂ ခန်းကိုလည်း မီးရှို့ဖျက်ဆီးသွားကြတယ်လို့‌ ဆိုပါတယ်။

အဲ့ဒီစစ်ကြောင်းမှာပါဝင်တဲ့ စစ်ကောင်စီတပ်ဖွဲ့ဝင်တွေနဲ့ ပျူစောထီးအဖွဲ့ဝင်တွေဟာ ဂန့်ဂေါမြို့ ခလရ ၅၀ က စစ်ကောင်စီတပ်သားတွေဖြစ်ပြီး ရွာတွင်းရှိ ဒေသခံနေအိမ်တွေက ပစ္စည်းတွေကို မွှေနှောက်ခိုးယူပြီး ထီးလင်းမြို့ဘက်ကို ပြန်လည်ဆုတ်ခွာသွားခဲ့ကြတယ်လို့ ဆိုပါတယ်။

အဆိုပါ အိုင်းမကျေးရွာမှာ ဒေသခံလူနေအိမ် ၁၅၀ ဝန်းကျင်ရှိပြီး လူဦးရေ ၆၀၀ ဝန်းကျင် နေထိုင်တယ်လို့ သိရပါတယ်။

ထီးလင်းနယ် ဒေသခံတယောက်က “မနေ့က နေ့လယ်ပိုင်းကစပြီး စာသင်ကျောင်းဘက် MPT တာဝါတိုင်အနီးက‌နေ စစ်ကြောင်းဝင်တာ။ ဒီနေ့မနက်ပိုင်းမှာ စစ်ကြောင်း ပြန်လည်ထွက်ချိန်မှာ နေအိမ်တွေ မီးရှို့ဖျက်ဆီးသွားကြတာ။ ဒေသခံတွေကတော့ ပြေးနေကြရတယ်။ တချို့‌တော့ ရွာထဲပြန်ဝင်ကြပါပြီ။ တချို့ကတော့ ကြောက်လို့ မပြန်ရဲကြသေးဘူး။ အခုကတော့ အိုင်းမရွာက ပထမဆုံးအကြိမ် မီးရှို့ခံရတာပေါ့” လို့  ပြောပါတယ်။

အောက်တိုဘာ ၇ ရက်ကလည်း ထီးလင်းမြို့နယ် သရခါရွာက ဒေသခံနေအိမ် ၆ လုံးကို စစ်ကောင်စီတပ်က မီးရှို့ဖျက်ဆီးခဲ့ပါတယ်။

ထီးလင်းမြို့နယ်အတွင်းမှာ စစ်ကောင်စီတပ်ဖွဲ့ဝင်တွေရဲ့ မီးရှို့ဖျက်ဆီးမှုကြောင့် ဒေသခံနေအိမ် ၆၀ လောက် မီးလောင်ဆုံးရှုံးထားပြီး စစ်ကောင်စီက ထီးလင်းမြို့နယ်ကို အင်တာနက်လိုင်းတွေ ဖြတ်တောက်ထားတာ ၁ နှစ်ကျော် ကြာမြင့်နေပြီလည်း ဖြစ်ပါတယ်။