ရန်ကုန်မြို့မှာ ဖွင့်လှစ်ထားတဲ့   SKY WAY CLUB & KTV ဆိုင်၊    Brave Bar  နဲ့  ယာဥ်ထိန်းရဲကင်းတဲ ၁ ခု တို့မှာ   မတ်လ ၈ ရက်က  ပေါက်ကွဲမှုတွေ ဖြစ်ပွားခဲ့ပါတယ်။

အလုံမြို့နယ် ကြည့်မြင်တိုင်ကမ်းနားလမ်းနဲ့ အလုံလမ်းထောင့်က ယာဥ်ထိန်းရဲကင်းတဲမှာ ဒီနေ့ ည ၈ နာရီခွဲကျော်က ဖောက်ခွဲတိုက်ခိုက်ခဲ့သလို  စစ်ကောင်စီကို အခွန်ပေးဆောင်နေတဲ့ SKY WAY CLUB နဲ့ KTV မှာလည်း ဒီနေ့ ည ၈ နာရီ ကျော်လောက်ကပဲ ဆက်လက် ဖောက်ခွဲ တိုက်ခိုက်ခဲ့တယ်လို့ Dark  Shadow အဖွဲ့က ကြေညာပါတယ်။

ပေါက်ကွဲမှုတွေကြောင့် လူထိခိုက်ဒဏ်ရာရတဲ့ အခြေအနေကို အတိအကျ မသိရသေးသလို လက်ရှိအချိန်မှာ စစ်ကောင်စီတပ်တွေ ရောက်ရှိလာပြီး စစ်ဆေးနေတယ်လို့ ဒေသခံတွေထံက  သိရပါတယ်။

ဒေသခံတဦးက “ည ၈ နာရီ ကျော်လောက်က ပေါက်ကွဲတာ။ ညဆိုတော့ အသံသာကြားလိုက်တာ။ လူထိခိုက်တာ မသိသေးဘူး” လို့ ပြောပါတယ်။

အလားတူ မရမ်းကုန်းမြို့နယ် ကန်ရိပ်သာလမ်းမှာရှိတဲ့  Brave Bar မှာလည်း ဒီနေ့ညနေက ပေါက်ကွဲမှု တစ်ခု ဖြစ်ခဲ့တယ်လို့  မြို့ခံတွေထံက သိရပါတယ်။

တိုက်ခိုက်မှုကြောင့် လူတွေထိခိုက်ဒဏ်ရာတဲ့ သတင်းတွေမကြားသိရပေမဲ့  Brave Bar ဆိုင်ရဲ့ အဆောက်အအုံနဲ့ မော်တော်ယာဉ်တချို့ ထိခိုက်ပျက်စီးသွားခဲ့ တယ်လို့ ဆိုပါတယ်။ 

Brave Bar ကို ဒီကနေ့ ညနေ ၃ နာရီလောက်က တိုက်ခိုက်ခဲ့တဲ့အကြောင်းနဲ့ အများပြည်သူတွေအနေနဲ့ ခရိုနီစစ်အုပ်စုပိုင်ဆိုင်တဲ့ နေရာတွေကို သွားလာတာမပြုလုပ်ဖို့  တရားမျှတမှုယူဆောင်သူတပ်ဖွဲ့ (JBF) က ထုတ်ပြန်ကြေညာပါတယ်။ 

အာဏာသိမ်းအကြမ်းဖက် စစ်ကောင်စီနဲ့ သူတို့ရဲ့ အုပ်ချုပ်ရေး ယန္တရား၊ သူတို့ရဲ့ ဒေါက်တိုင်တွေနဲ့ သူတို့ကို ငွေကြေးအရ ထောက်ပံ့ပေးနေတဲ့ စီးပွားရေးလုပ်ငန်းရှင်တွေနဲ့ အများပြည်သူရဲ့ အသက်အိုးအိမ် စည်းစိမ်ကို ခြိမ်းခြောက် ဒုက္ခပေးနေတဲ့ အဖွဲ့အစည်းမှန်သမျှကို ပစ်မှတ်ထားပြီး အထူး တိုက်ခိုက် ချေမှုန်းမယ်လို့လည်း ထုတ်ပြန်ထားပါတယ်။ 

အရက်ဘားဆိုင်တွေဟာ စစ်ကောင်စီကို အားပေးအားမြှောက် ပြုလုပ်နေရုံသာ မကဘဲ လူငယ်တွေရဲ့ ရှေ့အနာဂတ်ကိုပါ ဖျက်ဆီးနေတာဖြစ်လို့ နောက်တစ်ခါဆို ပိုမိုပြင်းထန်တဲ့ စစ်ဆင်ရေးတွေ ပြုလုပ်သွားမယ်လို့ (Justice Bringer Force-JBF)က  သတိပေးပါတယ်။

Photo Credit- SKY WAY& Brave Bar

ရန်ကုန်မြို့ Brave Bar မှာ မနေ့ညကဖမ်းဆီးခံရတဲ့ လူငယ်တွေထဲ လူကြီးသားသမီးတွေ ပါဝင်နေတာကြောင့် အားလုံးကို ခံဝန်နဲ့ အောက်တိုဘာ ၈ ရက် ဒီကနေ့မနက်မှာ ပြန်လွှတ်ပေးခဲ့တယ်လို့ စစ်ကောင်စီတပ်နဲ့ နီးစပ်ရာအသိုင်းအဝိုင်းက ပြောပါတယ်။

“တစ်ယောက်ကို ပိုက်ဆံဘယ်လောက်ပေးရလဲတော့မသိဘူး။ အဖမ်းခံရတဲ့အထဲမှာ လူကြီးသားသမီးပါတယ်ဆိုတော့ ခံဝန်နဲ့ ဒီကနေ့မနက်မှာပြန်လွှတ်ပေးလိုက်တယ်။ အနုပညာရှင်တချို့လည်းပါတယ်ကြားတယ်။ မျက်နှာကြီးတယ်လေ” လို့ စစ်တပ်နဲ့နီးစပ်သူ တစ်ဦးက ပြောပါတယ်။ 

မရမ်းကုန်းမြို့နယ်၊  ကန်ရိပ်သာလမ်းမှာရှိတဲ့ Brave Bar ကို အောက်တိုဘာ ၇ ရက် မနေ့ည ၁၁ နာရီ ၄၅ မိနစ်လောက်က  စစ်ကောင်စီတပ်သားတွေဝင်ရောက်စစ်ဆေးပြီး အမျိုးသားနဲ့ အမျိုးသမီး ၂၅၀ လောက်ကို မရမ်းကုန်းရဲစခန်းမှာ ဖမ်းဆီးခဲ့တာ ဖြစ်ပါတယ်။

ရန်ကုန်၊ မရမ်းကုန်းမြို့နယ်၊  ကန်ရိပ်သာလမ်းမှာရှိတဲ့ Brave Bar ကို အောက်တိုဘာ ၇ ရက် မနေ့ကညက စစ်ကောင်စီတပ်သားတွေဝင်ရောက်စစ်ဆေးပြီး အမျိုးသားနဲ့ အမျိုးသမီး ၂၅၀ လောက်ကို ဖမ်းဆီးလိုက်ပါတယ်။ 

မနေ့ည ၁၁ နာရီ ၄၅ မိနစ်လောက်က     သက်ဆိုင်ရာ အာဏာပိုင်တွေ ဝင်ရောက်စစ်ဆေး ခဲ့ပြီးနောက်  အမျိုးသား အမျိုးသမီး ၂၅၀ ဝန်းကျင်ကို   မရမ်းကုန်းရဲစခန်းမှာ ဖမ်းဆီးထားတယ်လို့ သတင်းရရှိပါတယ်။ 

လူမှုကွန်ရက်မှာပျံ့နှံ့နေတဲ့ Brave Bar အပါအဝင် လူမသိသူမသိခိုးဖွင့်ပျော်ပါးနေကြတဲ့ ကေတီဗွီ၊ ဘား၊ နိုက်ကလပ်တွေ ပိတ်ပေးဖို့နဲ့ လိုက်နာဆောင်ရွက်တာမရှိရင် အသက်အာမခံမရှိကြောင်း  ရန်ကုန်ပြည်သူ့ကာကွယ်ရေးတပ်ဖွဲ့ (ဗဟန်း)က စက်တင်ဘာလ ၉ ရက်နေ့က  သတိပေးထုတ်ပြန်ထားပါတယ်။