မန္တလေး၊ မဟာအောင်မြေမြို့နယ် ၃၈ လမ်းနဲ့ ၇၈ လမ်းထောင့်က CCTV ဆာဗာပုံးနဲ့ ကင်းတဲဂိတ် မတ်လ ၄ ရက် ဒီနေ့ ညနေက ဖောက်ခွဲတိုက်ခိုက်ခံရ​တယ်လို့  ဒေသခံတွေထံက သိရပါတယ်။

“ညနေ မိုးချုပ် ပေါက်ကွဲတာပဲ။ လူသွားလူလာတော့ ရှိတယ်။ ထိခိုက်တာမကြားမိဘူး”လို့ ဒေသခံတစ်ယောက်က ပြောပါတယ်။

CCTV ဆာဗာပုံးနဲ့ ကင်းတဲဂိတ် ဖောက်ခွဲမှုကို Mandalay Ranger Force ၊Guerilla  Force Mahdalay ၊ အမရကြယ်စင် PDF  တို့ ညီနောင် ၃ ဖွဲ့ ပူးပေါင်းတိုက်ခိုက်ခဲ့တာဖြစ်ပြီး ပေါက်ကွဲမှုကြောင့် လူထိခိုက်မှု မရှိဘူးလို့ Mandalay Ranger Force က ထုတ်ပြန်ထားပါတယ်။

တိုက်ခိုက်ခံရပြီးနောက် လမ်းဆုံမှာရှိတဲ့ အောင်ပြည့်စုံခန်းမထဲက အစောင့်စစ်သားတွေက ပြန်လည် ပစ်ခတ်ခဲ့တယ်လို့  သိရပါတယ်။