အဖွဲ့ဝင် ၁၅ နိုင်ငံပါဝင်တဲ့ အနောက်အာဖရိက ဒေသစီးပွားပူးပေါင်းဆောင်ရွက်ရေးအဖွဲ့ အီကိုဝပ်စ် (ECOWAS) က  ဒီတပတ်ထဲမှာ စစ်အာဏာသိမ်းမှုဖြစ်ခဲ့တဲ့ ဘာကီနာဖာဆိုနိုင်ငံကို အဖွဲ့ဝင် အဖြစ်မှ ယာယီရပ်စဲထားမယ်လို့ ဂါနာသမ္မတ နာနာ အကူဖို အက်ဒိုက ပြတ်ပြတ်သားသား ပြောပါတယ်။ 

အီကိုဝပ်စ်အဖွဲ့ရဲ့ ထိပ်သီးအစည်းအဝေးဖွင့်ပွဲမှာ ဂါနာသမ္မတက “အနောက်အာဖရိကဒေသနိုင်ငံ တွေထဲမှာ အာဏာသိမ်းမှုဖြစ်ပွားတာ ကျွန်တော်တို့ရဲ့ ဒီမိုကရက်တစ်တန်ဖိုးကို တိုက်ရိုက်ချိုးဖောက်တာပါ။ ဒေသရဲ့ ငြိမ်းချမ်းရေး၊ လုံခြုံရေး၊ တည်ငြိမ်ရေးကို ခြိမ်းခြောက်တာပါ။ဒေသရဲ့ လူမှုစီးပွားဖွံ့ဖြိုးရေးကို အဟန့်အတား ဖြစ်စေတာပါ။ ဒါကြောင့် ဘာကီနာဖာဆိုမှာ တရားမျှတမှုနဲ့ အရပ်သားအစိုးရပြန်ရရှိဖို့ ကျန်ဒေသနိုင်ငံတွေက အလေးထား လုပ်ဆောင်သွားမယ်၊ ကမ္ဘာကြီးက လည်း ကျနော်တို့နဲ့ ပူးပေါင်းပါ” လို့ ပြောပါတယ်။ 

ဇန်နဝါရီ ၂၄ ရက်မှာ ဘာကီနာဖာဆို စစ်တပ်က အရပ်သားသမ္မတ ရော့ကာဘိုရီ (Roch Kabore) ကို အာဏာသိမ်းဖြုတ်ချခဲ့တာပါ။

အီကိုဝပ်စ်က အဖွဲ့ဝင်တွေဖြစ်တဲ့ ၂၀၂၀ မှာ မာလီနိုင်ငံနဲ့ ၂၀၂၁ မှာ ဂီနီနိုင်ငံတို့ရဲ့ စစ်အာဏာ သိမ်းမှုတွေကိုလည်း ပြင်းပြင်းထန်ထန် ဆန့်ကျင်တုံ့ပြန်ခဲ့တာပါ။

ဂီနီနိုင်ငံရဲ့စစ်အာဏာသိမ်းအုပ်စုနဲ့ မာလီနိုင်ငံရဲ့အာဏာသိမ်းမှုနောက်ပိုင်း အသွင်ကူးပြောင်းမှုကို နှေးကွေး အောင်လုပ်နေသူတွေကို အနောက်အာဖရိကရဲ့အဓိကဒေသတွင်းအုပ်စုဖြစ်တဲ့  (ECOWAS)က စက်တင်ဘာ ၁၆ ရက်မှာ ဒဏ်ခတ်ပိတ်ဆို့မှုတွေ ချမှတ်ခဲ့ပြီး စစ်တပ်အာဏာသိမ်းမှုတွေကို အပြင်းထန်ဆုံး တုံ့ပြန်လိုက်ပါတယ်။ 

ဒါဟာ ဂါနာနိုင်ငံရဲ့မြို့တော် အက်ကရာမှာ ကျင်းပတဲ့ အနောက်အာဖရိကနိုင်ငံများ  စီးပွားရေးအသိုက်အဝန်း (ECOWAS) ရဲ့ အရေးပေါ်ထိပ်သီးအစည်းအဝေးမှာ ဒီဆုံးဖြတ်ချက်ကို သဘောတူခဲ့တာပါ။ 

ဒါဟာ ပြီးခဲ့တဲ့အပတ်က ဂီနီနိုင်ငံက အာဏာသိမ်းမှုကိုတုံ့ပြန်ဖို့နဲ့ မနှစ်တုန်းက မာလီနိုင်ငံမှာ အာဏာသိမ်းပြီးကတည်းက ဖွဲ့စည်းပုံအခြေခံဥပဒေအုပ်ချုပ်မှုကို တိုးတက်မှုနှေးကွေးနေတာကို သတိပြုရိပ်မိပြီးနောက်ပိုင်း တုံ့ပြန်တာ ဖြစ်ပါတယ်။ 

ဒေသဆိုင်ရာ ပြည်နယ်အကြီးအကဲတွေက ဂီနီနိုင်ငံရှိ အာဏာသိမ်းစစ်အုပ်စုအဖွဲ့ဝင်တွေနဲ့ သူတို့ရဲ့ဆွေမျိုးသားချင်းတွေကို ငွေကြေးပိုင်ဆိုင်မှုတွေကို ထိန်းချုပ်ထားပြီး  ခရီးသွားလာခွင့်တွေကို လည်း ပိတ်ပင်တားဆီးထားဖို့ ဆုံးဖြတ်လိုက်ပြီး ဂီနီသမ္မတ အယ်လ်ဖာကွန်ဒီကို ပြန်လွှတ်ပေးဖို့နဲ့ အချိန်တိုအတွင်း အသွင်ကူးပြောင်းရေးလုပ်ဖို့ တောင်းဆိုထားပါတယ်။ 

ရွေးကောက်ပွဲတွေကို ခြောက်လအတွင်း ကျင်းပသင့်တယ်လို့ ECOWAS ကော်မရှင်ဥက္ကဋ္ဌ ယန်းကလောက်ဒီကတ်စီဘောက်က အစည်းအဝေးမှာ ပြောပါတယ်။ 

ဒေသတွင်းအုပ်စုဟာ ၂၀၂၂ ခုနှစ် ဖေဖော်ဝါရီလအတွက် ရွေးကောက်ပွဲတွေ ကျင်းပဖို့ သဘောတူညီမှုကို ကတိတည်ဖို့နဲ့ နောက်လမှာ ရွေးကောက်ပွဲလမ်းပြမြေပုံကို တင်ပြဖို့တွေကို တောင်းဆိုပြီး မာလီနိုင်ငံရဲ့အသွင်ကူးပြောင်းရေးအစိုးရကို ပိုမိုဖိအားပေးခဲ့တယ်လို့ အစည်းအဝေး အပြီး ထုတ်ပြန်ချက်အရ သိရပါတယ်။ 

ရွေးကောက်ပွဲအတွက် ကြိုတင်ပြင်ဆင်မှုတွေကို ဟန့်တားနှောင့်ယှက်တဲ့ မာလီနိုင်ငံရှိ ဘယ်သူမဆို ဂီနီနိုင်ငံမှာ ချမှတ်ထားတဲ့ တူညီတဲ့ ဒဏ်ခတ်ပိတ်ဆို့ အရေးယူမှုတွေကို ကြုံတွေ့ရမှာ ဖြစ်တယ်လို့လည်း ဆိုပါတယ်။