ရှမ်းပြည်မြောက်ပိုင်း၊ မူဆယ်မြို့၊ ဟိုမွန်ရပ်ကွက် သိန်းသန်းချီအဝေးပြေးကားဝင်းထဲက ကမ္ဘောဇဘဏ်ခွဲ (၃) မှာ စက်တင်ဘာ ၁၃ ရက် ဒီကနေ့ မွန်းလွဲပိုင်းက ပစ်ခတ်မှုဖြစ်ပြီး ၃ ဦးသေဆုံးကာ ၁ ဦး ဒဏ်ရာရ သွားပါတယ်။
သေနတ်ထိမှန်ခံရသူတွေထဲမှာ ဘဏ်လုံခြုံရေးယူပေးနေတဲ့ ပြည်သူ့စစ်တပ်ဖွဲ့ဝင်တွေနဲ့ အရပ်သားတချို့ပါဝင်ပြီး ၃ ဦး ပွဲချင်းပြီး သေဆုံးခဲ့ကာ ၁ ဦး ကတော့ ပရဟိအဖွဲ့က ဆေးရုံကို ပို့ပေးလိုက်တယ်လို့ မူဆယ်ဒေသခံတစ်ဦးက ဒီဗွီဘီကို ပြောပါတယ်။
“မိတ်ဆွေတွေပြောတာကတော့ မွန်းလွဲ ၁၂ နာရီကျော်လောက်မှာ သေနတ်သမားက ကားနဲ့လာပစ်သွားတယ်လို့ ပြောပါတယ်။ ဘဏ်အစောင့်လုပ်နေတဲ့ ပြည်သူ့စစ် တပ်ဖွဲ့ဝင်၂ ယောက်ရယ်၊ ငွေလာထုတ်သူရယ်၊ ဘဏ်ရှေ့မှာကွမ်းယာရောင်းနေတဲ့လူ ၁ ယောက်ထိ တယ်ပြောတယ်။ ပြည်သူ့စစ် ၂ ယောက်လုံး ပွဲချင်းပြီးသေတယ်လို့လည်း ပြောပါတယ်။ ဆေးရုံ ရောက်သွားတဲ့တယောက်ကတော့ ဘယ်သူလဲမသိရဘူး။”
သေဆုံးသူ ၃ ဦးဟာ ပြည်သူ့စစ်တပ်ဖွဲ့ဝင်တွေဖြစ်တယ်လို့ သတင်းထွက်နေတာရှိသလို တဦးက အရပ်သားဖြစ်တယ်လို့ ဒေသခံတွေကပြောပေမဲ့ သီးခြားအတည်ပြုနိုင်ခြင်းတော့မရှိသေးပါဘူး။
အဆိုပါပစ်ခတ်မှုကို ဘယ်အဖွဲ့က လုပ်ဆောင်ခဲ့တယ်ဆိုတာကိုတော့ ဘယ်သူကမှ ထုတ်ဖော်ကြေညာတာမရှိသေးသလို စစ်ကောင်စီဘက်ကလည်း သတင်းထုတ်ပြန်တာ မရှိသေးပါဘူး။
မူဆယ်မှာ ပြည်သူ့စစ်အဖွဲ့အ မျိုးမျိုးရှိပြီး သူတို့ချင်းကြားမှာလည်း ရန်ငြိုးရန်စတွေနဲ့ မကြာခဏ သေနတ်နဲ့ပစ်ခတ်ဖြေရှင်းလေ့ ရှိတယ်လို့ ဒေသခံက ပြောပါတယ်။
Photo -Nang Mway Kham
ရှမ်းပြည်နယ်မြောက်ပိုင်း သီပေါမြို့နယ်ရှိ ကမ္ဘောဇဘဏ် (KBZ) မှာ ဒီနေ့ညနေ ဓားပြတိုက်ခံလိုက်ရတယ်လို့ သိရပါတယ်။
ဖေဖော်ဝါရီ ၂၈ ရက် ညနေ ၃ နာရီအချိန်လောက်က သီပေါမြို့နယ်အတွင်းမှာရှိတဲ့ ကမ္ဘောဇဘဏ် KBZ ကို မျက်နှာဖုံးစွပ်ထားတဲ့ အမျိုးသား ၃ ဦးက လက်နက်ပြ ဓားပြတိုက်ခဲ့တာကြောင့် ကျပ်ငွေ သိန်း ၁၀၀၀ ပါသွားတယ်လို့ ဒေသခံတဦးက ဒီဗွီဘီကိုပြောပါတယ်။
ဓားပြတိုက်သူ ၃ ဦးကတော့ ထွက်ပြေး လွတ်မြောက်သွားကာ အခင်းဖြစ်ပွားပြီးမကြာမီ ရဲနဲ့ စစ်သားတွေရောက်လာပြီး စစ်ဆေးခဲ့တယ်လို့ ဆိုပါတယ်။
စစ်အာဏာသိမ်းပြီးနောက်ပိုင်း ရှမ်းပြည်နယ်မြောက်ပိုင်းမှာ လုယက်မှု၊ ဓားပြတိုက်မှုတွေ မကြာခဏဖြစ်ပွားနေပါတယ်။
ပြီးခဲ့တဲ့ ဇန်နဝါရီ ၂၅ ရက်နေ့တုန်းကလည်း နောင်ချိုမြို့ ဘန့်ဘွေးရဲစခန်းအနီးက ကျော်ဇောလင်း ရွှေဆိုင် ဓားပြတိုက်ခံခဲ့ရပါတယ်။
