close

PSG

close

May 3, 2023

မက်ဆီဟာ နည်းပြ၏ ခွင့်ပြုချက်မရဘဲ ဆော်ဒီနိုင်ငံဆီ အလည်အပတ်ထွက်ခဲ့

ပီအက်စ်ဂျီတိုက်စစ်မှူး မက်ဆီဟာ နည်းပြရဲ့ခွင့်ပြုချက်မရဘဲ ဆော်ဒီနိုင်ငံဆီ အလည်အပတ် သွားရောက်ခဲ့ပါတယ်။

မက်ဆီဟာ ဆော်ဒီအာရေးဗျနိုင်ငံရဲ့ ခရီးသွားသံတမန်အဖြစ် မနှစ်က စာချုပ်ချုပ်ဆိုခဲ့ပြီး အဲဒီကိစ္စတာဝန်နဲ့ ဆော်ဒီနိုင်ငံမှာရောက်ရှိ နေတာပါ။

ပီအက်စ်ဂျီအသင်းဟာ မေလ ၈ ရက်နေ့မှာ ထရိုင်းရက်စ်နဲ့ လိဂ်ပွဲစဉ်ကစားရမှာဖြစ်ပြီး မက်ဆီဟာ လေ့ကျင့်ရေးကွင်းဆီ လာရောက်မလာခဲ့ဘဲ နည်းပြချုပ် ခရစ္စတိုဖာဂယ်တီယာရဲ့ ခွင့်ပြုချက်လည်း ရယူမသွားခဲ့ဘူးလို့ ပြင်သစ်နာမည်ကြီးသတင်းစာ L’Equipe  ကဖော်ပြခဲ့ပါတယ်။  

အဲဒီလို ခွင့်ပြုချက်မယူဘဲ သွားခဲ့တဲ့အတွက် မက်ဆီကို ၂ ပတ်ကြာ ပွဲပယ်ပြစ်ဒဏ်ချမှတ်မယ်လို့လည်း RMC Sport သတင်းမှာ ဖော်ပြပါတယ်။

မက်ဆီဟာ ဇနီးဖြစ်သူနဲ့ သားသုံးယောက်ကိုပါခေါ်ပြီး ခရီးသွားသံတမန်တာဝန်အရ ဆော်ဒီနိုင်ငံ မှာ အလည်အပတ်ရောက်ရှိနေတာပါ။

မက်ဆီလာရောက်လည်ပတ်တာကို ဆော်ဒီခရီးသွားလာရေးဝန်ကြီး ကိုယ်တိုင်ကြိုဆိုခဲ့ပြီး မက်ဆီနဲ့မိသားစု အလည်လာတဲ့အတွက် ဝမ်းမြောက်ဂုဏ်ယူမိကြောင်း တွစ်တာ မှာ ရေးသားခဲ့ပါတယ်။

9 hours Ago

January 5, 2023

ကမ္ဘာ့ဖလားချန်ပီယံ မက်ဆီကို ပီအက်စ်ဂျီက ကြိုဆိုဂုဏ်ပြုရာတွင် အမ်ဘာပေ ရောက်မလာနိုင်

ကမ္ဘာ့ဖလားချန်ပီယံ မက်ဆီရဲ့ ပြန်အလာကို ပီအက်စ်ဂျီအသင်းသားတွေက ကြိုဆိုဂုဏ်ပြုခဲ့ရာမှာ အသင်းဖော် အမ်ဘာပေ တက်ရောက်နိုင်ခြင်း မရှိခဲ့ပါဘူး။

မက်ဆီဟာ အာဂျင်တီးနားနဲ့အတူ ကမ္ဘာ့ဖလားချန်ပီယံဆုဖလား ရယူနိုင်ခဲ့ပြီး နှစ်ပတ်လောက် အနားယူခဲ့ရာက ဇန်နဝါရီ ၄ ရက်မှာ အသင်းနဲ့ ပြန်လည်ပူးပေါင်းခဲ့တာပါ။

မက်ဆီ ပြန်ရောက်လာတာကို ပီအက်စ်ဂျီအသင်း ဝန်ထမ်းတွေနဲ့ ကစားသမားတွေ အားလုံးက ကွင်းအတွင်းမှာ ကြိုဆိုဂုဏ်ပြုခဲ့ပြီး ဂုဏ်ပြုဆုတံဆိပ်တခုလည်း ပေးအပ်ခဲ့ပါတယ်။

အဲဒီလိုဂုဏ်ပြုရာမှာ ဘရာဇီးတိုက်စစ်မှူး နေမာ ပါဝင်ခဲ့ပေမဲ့ အမ်ဘာပေနဲ့ ဟာကီမီတို့ နှစ်ဦးကတော့ အားလပ်ရက် ခွင့်ရထားတာကြောင့် ရောက်မလာနိုင်ခဲ့တာပါ။

အမ်ဘာပေဟာ မက်ဆီနဲ့ ဗိုလ်လုပွဲမှာ ပြိုင်ဘက်အနေနဲ့ ယှဉ်ပြိုင်ကစားခဲ့ရတာပါ။

မက်ဆီဟာ ပီအက်စ်ဂျီနဲ့ နောက်ထပ်တနှစ် သက်တမ်းတိုးသွားဖို့လည်း စီစဉ်ထားပါတယ်။

4 months Ago
Up