ရုရှား ကျူးကျော်တိုက်ခိုက်မှုကြောင့် ထိခိုဏ်ဒဏ်ရာရ အရပ်သားတွေနဲ့ အစိုးရဝန်ထမ်းတွေ ကုသမှုခံယူနေတဲ့ ကိယက်ဗ်မြို့ဆေးရုံကို ယူကရိန်းသမ္မတဇလန်းစကီး မတ် ၁၇ ရက်က သွားရောက်ကြည့်ရှုခဲ့ပါတယ်။
ဒဏ်ရာရရှိသူတွေထဲမှာ TikTok ဗွီဒီယိုဆယ်လီ အသက် ၁၆ နှစ်ရှိ ယူကရိန်းအမျိုးသမီးငယ် ‘ကတိယာ ဗလာဆန်ကို’ (Katya Vlasenko) လည်း ပါပါတယ်။
ကတိယာက အသက် ၈ နှစ်ရှိ သူ့မောင်လေး အီဂေါ ကို ခန္ဓာကိုယ်နဲ့ကာထားစဉ် ဒဏ်ရာရခဲ့တာပါ။ ကတိယာ့မိခင်လည်း ဒဏ်ရာပြင်းပြင်းထန်ထန် ရထားတာပါ။
ဇလန်းစကီးက ကတိယာကို အဖြူရောင်နဲ့ ပန်းရောင် ပန်းဆီးကိုပေးပြီး “မင်းအကြောင်းကို လူတိုင်းက ပြောနေကြတယ်၊ TikTok ပေါ်မှာ မင်းအကြောင်းချည်းပဲ၊ Tiktok ကို မင်းက သိမ်းပိုက်ထားလိုက်ပြီ” လို့ အရွှန်းဖောက်ရင်း အားပေးစကား ပြောခဲ့ပါတယ်။
