ရန်ကုန် UG လူငယ် ၁ ဦးကို ဖမ်းဆီးသတ်ဖြတ်ခဲ့တဲ့ ငွေတောင်စားသောက်ဆိုင်ကို တိုက်ခိုက်ချေမှုန်းသွားမှာဖြစ်ပြီး ပြည်သူတွေအနေနဲ့ အဲဒီဆိုင်မှာ သွားမစားဖို့နဲ့ သွားလာစားသောက်နေတဲ့သူတွေကိုလည်း ထောက်ထားညှာတာမှာ မဟုတ်ဘူးလို့ Freelance Attack Force - FLA က သတိပေးလိုက်တယ်။

ရန်ကုန်တိုင်း၊ တောင်ဥက္ကလာပမြို့နယ်၊ ၁၄ ရပ်ကွက်၊ ရပ်ကွက်အုပ်ချုပ်ရေးမှူးရုံးကို ဇန်နဝါရီ ၂၁ ရက်က လက်ပစ်ဗုံးနဲ့ သွားရောက်ပစ်ခတ်တိုက်ခိုက်ပြီး ပြန်လာတဲ့ UG ရဲဘော် လူငယ်တဦးကို  ငွေတောင်စားသောက်ဆိုင်ဝန်ထမ်းတွေက ဝိုင်းဝန်းဖမ်းဆီးရိုက်နှက်လို့ ကျဆုံးခဲ့တဲ့အပေါ် ပြန်လည်ချေမှုန်းသွားမယ်လို့ FLA က ဇန်နဝါရီ ၂၃ ရက်မှာ ထုတ်ပြန်ပါတယ်။

FLA တာဝန်ခံက “ကျနော်တို့အဖွဲ့က မစ်ရှင်သွားလုပ်တာ၊ အပြန်မှာ တယောက်ကိုမိသွားတယ်။ ဆိုင်ကဝန်ထမ်းတွေနဲ့ ရပ်ကွက်ထဲက ဝိုင်းရိုက်တာ၊ အဲဒီဆိုင်က တုတ်တွေထုတ်ပေးတာ။ ဖြစ်ဖြစ်ချင်းကကျဆုံးတာ မသေချာသေးသလို မကျဆုံးဘဲ ထုတ်ပြန်လိုက်ရင် ပိုအန္တရာယ်များလို့ပါ။ ပြီးတော့ ကျနော်တို့ရဲဘော်ကိုလည်း ပြန်လိုချင်လို့ပါ။ ကျနော်တို့အဖွဲ့အနေနဲ့ အတော်လေး ယူကျုံးမရလည်းဖြစ်မိတယ်” လို့ ပြောပါတယ်။

အဆိုပါနေ့က တိုက်ခိုက်မှုအပြီး FLA က ရဲဘော်တွေ ပြန်လည်ဆုတ်ခွာလာချိန်မှာ ၁၄ ရပ်ကွက် အုပ်ချုပ်ရေးမှူးရုံးဘေးမှာရှိတဲ့ ငွေတောင်စားသောက်ဆိုင်က ဝန်ထမ်းတွေနဲ့ ရပ်ကွက်ထဲကလူတချို့ ဝိုင်းဝန်းရိုက်နှက် ဖမ်းဆီးပေးမှုကြောင့် FLA က ရဲဘော်ချောကလက် (ခ) ရဲဘော်သာဒင်မှာ ဒဏ်ရာပြင်းထန်စွာရရှိခဲ့ပြီး ကျဆုံးခဲ့တယ်လို့ သိရပါတယ်။

ရန်ကုန်က မြို့ပြပြောက်ကျားအဖွဲ့ဝင်တဦးကလည်း “ကျနော်တို့ အကုန်လုံးကို သတိပေးထားတယ်။ အဲဒီဆိုင်မှာ သွားမစားဖို့၊ မသွားလာကြဖို့ အရင်ပြောမယ်။ ပြောထားပြီးရက်နဲ့ သွားလာစားသောက်နေတဲ့သူတွေကိုတော့ ကျနော်တို့ဘက်က ထောက်ထားညှာတာမှာ မဟုတ်ပါဘူး” လို့ ပြောပါတယ်။

FLA နဲ့ ရန်ကုန်က တခြားသော မြို့ပြပြောက်ကျားအဖွဲ့တွေက ငွေတောင်စားသောက်ဆိုင်ကို တုံ့ပြန်မယ့်စာတွေ အသီးသီးထုတ်ပြီး ပြည်သူတွေအနေနဲ့ ငွေတောင်စားသောက်ဆိုင်ကို သွားရောက်အားမပေးဖို့နဲ့ အနီးအနားကို ပျော်ပါးသွားလာတာတွေ မပြုလုပ်ကြဖို့လည်း သတိပေး တားမြစ်ထားပါတယ်။

ငွေတောင်စားသောက်ဆိုင်ကိုရန်ကုန် တောင်ဥက္ကလာပမြို့နယ်၊ ၁၄ ရပ်ကွက်အုပ်ချုပ်ရေးမှူးရုံး ဗုံးပစ်ခံရပြီးနောက် ဖမ်းဆီး ခံလိုက်ရတဲ့ UG လူငယ် တယောက် သေဆုံးခဲ့တာနဲ့ ပတ်သက်လို့ ဖမ်းဆီးသတ်ဖြတ်ရာမှာ ပါတဲ့ ငွေတောင်ဆိုင်ကို ဒီနေ့ပိတ်ထားတယ်လို့ အနီးဝန်းကျင်နေ ဒေသခံတွေက ပြောပါတယ်။

ငွေတောင်စားသောက်ဆိုင်ပိုင်ရှင်ရဲ့သားဟာ ဗိုလ်ကြီးအောင်ခိုင်ဝင်း ဖြစ်တယ်လို့သိရပြီး လတ်တလောမှာ စားသောက်ဆိုင်ပင်မခန်းမကို ပိတ်ထားပေမဲ့ ပါဆယ်လာဝယ်သူတွေကို စားပွဲခုံချကာ ရောင်းချပေးနေတဲ့အတွက် လာရောက် အားပေးသူတချိ့ရှိနေပါတယ်။

စားသောက်ဆိုင်အနီး ၁၄ ရပ်ကွက်အုပ်ချုပ်ရေးမှူးရုံးရှေ့မှာ ရဲကားတစီး ရပ်ထားပြီး လုံခြုံရေး ယူထားပေးထားသလို ပတ်ဝန်းကျင်မှာလည်း အရပ်ဝတ်နဲ့ ကင်းပုန်းတွေချထားတယ်လို့ ဒေသခံတွေက ပြောပါတယ်။

ရန်ကုန် တောင်ဥက္ကလာပမြို့နယ်၊ ၁၄ ရပ်ကွက်အုပ်ချုပ်ရေးမှူးရုံး ဗုံးပစ်ခံရပြီးနောက် ဖမ်းဆီး ခံလိုက်ရတဲ့ UG လူငယ် တယောက် သေဆုံးခဲ့တာနဲ့ ပတ်သက်လို့ ဖမ်းဆီးသတ်ဖြတ်ရာမှာ ပါတဲ့ ငွေတောင်ဆိုင်ကို ဒီနေ့ပိတ်ထားတယ်လို့ အနီးဝန်းကျင်နေ ဒေသခံတွေက ပြောပါတယ်။

အဲဒီလူငယ်ကို မနေ့က ငွေတောင်စားသောက်ဆိုင်ဝန်ထမ်းတွေက ရိုက်နှက်ဖမ်းဆီးလို့ သေဆုံးခဲ့ရတဲ့အပေါ် ဝေဖန်တာတွေ ထွက်ပေါ်လာပြီးနောက် ဆိုင်ကို ဒီနေ့ ပိတ်ထားတာပါ။

လတ်တလောမှာတော့ စားသောက်ဆိုင်ပင်မခန်းမကို ပိတ်ထားပြီး ပါဆယ်လာဝယ်သူတွေကို စားပွဲခုံချကာ ရောင်းချပေးနေပါတယ်။

UG လူငယ် ဖမ်းဆီးသတ်ဖြတ်ခံရတာနဲ့ ပတ်သက်လို့ ငွေတောင်စားသောက်ဆိုင်အနေနဲ့ ပြန်လည် ပေးဆပ်ရမှာဖြစ်ပြီး ပြည်သူတွေအနေနဲ့ ငွေတောင်စားသောက်ဆိုင်တဝိုက်ကို ရှောင်ကြဉ်သွား လာကြဖို့  Black fox Yangon UG အဖွဲ့က သတိပေးထားတာပါ။

သတိပေးမှုအပြီးမှာတော့ ၁၄ ရပ်ကွက်အုပ်ချုပ်ရေးမှူးရုံးရှေ့မှာ ရဲကားတစီး ရပ်ထားပြီး လုံခြုံရေး ယူထားပေးထားသလို ပတ်ဝန်းကျင်မှာလည်း အရပ်ဝတ်နဲ့ ကင်းပုန်းတွေချထားတယ်လို့ ဒေသခံ တွေက ပြောပါတယ်။

အဲဒီပတ်ဝန်းကျင်မှာနေထိုင်သူတဦးက "ဆိုင်ကို ညကလည်း အစောကြီး သိမ်းလိုက်တယ်။ ဒီမနက်လည်း ပိတ်ထားပြီး သိပ်လှုပ်လှုပ်ရှားရှား မတွေ့ရဘူး။ ဝန်ထမ်းတွေလည်း သိပ်မတွေ့တော့ ဘူး" လို့ ပြောပါတယ်။

ရန်ကုန် UG လူငယ် နှစ်ဦးဟာ ဇန်နဝါရီ ၂၁ ရက် နေ့လယ်ပိုင်းက အဲဒီဆိုင်နဲ့ ကပ်လျက်က အုပ်ချုပ်ရေးမှူးရုံးကို လက်ပစ်ဗုံးနဲ့ပစ်ပြီး ထွက်ပြေးချိန် ငွေတောင်စားသောက်ဆိုင်ဝန်ထမ်းတွေက လိုက်လံဖမ်းဆီးခဲ့တယ်လို့  Blackfox YGN UG အဖွဲ့က ထုတ်ပြန်ခဲ့ပါတယ်။

အဲဒီလို လိုက်လံဖမ်းဆီးရာမှာ တဦး လွတ်မြောက်ကာ ကျန်တဦး ဖမ်းဆီးခံရပြီး ရိုက်နှက်ခံရတာ ကြောင့် သေဆုံးခဲ့တယ်လို့ ထုတ်ပြန်ချက်က ဆိုပါတယ်။

ဝိုင်းဝန်းဖမ်းဆီးခဲ့တဲ့ ငွေတောင်စားသောက်ဆိုင်ပိုင်ရှင်ရဲ့သားဟာ ဗိုလ်ကြီးအောင်ခိုင်ဝင်းဖြစ်တယ်လို့ ရပ်ကွက်နေ ပြည်သူ တွေက ပြောပါတယ်။

ရန်ကုန်၊ တောင်ဥက္ကလာပမြို့နယ်၊ (၁၄)ရပ်ကွက်အုပ်ချုပ်ရေးမှူးရုံး ဗုံးပစ်ခံရပြီးနောက် ဖမ်းဆီးခံလိုက်ရတဲ့ UG လူငယ်တစ်ဦး သေဆုံးသွားတယ်လို့ UG အဖွဲ့တွေကို ထောက်ပို့လုပ်ပေးနေသူတစ်ဦးက ပြောပါတယ်။

ဇန်နဝါရီ ၂၁ ရက် နေ့လယ်က  တောင်ဥက္ကလာ ၁၄ ရပ်ကွက်အုပ်ချုပ်ရေးမှူးရုံး ဗုံးပစ်တိုက်ခိုက်ခံခဲ့ရပြီးနောက် ဗုံးလာပစ်တဲ့လူငယ်နှစ်ဦးကို ရုံးဘေးနားမှာရှိတဲ့ ငွေတောင်စားသောက်ဆိုင် ဝန်ထမ်းတွေက လိုက်လံဖမ်းဆီးခဲ့တာဖြစ်ပါတယ်။ 

အဲဒီတိုက်ခိုက်မှုမှာ အုပ်ချုပ်ရေးရုံးဘက်က ထိခိုက်သေဆုံးတာမရှိဘဲ   Black Fox Yangon UG Association အဖွဲ့က လူငယ်တစ်ဦးဖမ်းဆီးခံရပြီး  သေဆုံးခဲ့တယ်လို့ ထောက်ပို့လုပ်ပေးနေသူ တစ်ဦးက ပြောပါတယ်။

ဝိုင်းဝန်းဖမ်းဆီးခဲ့တဲ့ ငွေတောင်စားသောက်ဆိုင်ပိုင်ရှင်ရဲ့သားဟာ ဗိုလ်ကြီးအောင်ခိုင်ဝင်းဖြစ်ပြီး  ဘေးက အညာသွေးစားသောက်ဆိုင်နဲ့ ဆွေမျိုးသားချင်းတွေဖြစ်တယ်လို့ ရပ်ကွက်နေ ပြည်သူတွေက ပြောပါတယ်။

ဒီဖြစ်ရပ်နဲ့ ပတ်သက်ပြီး ငွေတောင်စားသောက်ဆိုင်ဘက်ကိုတော့ ဆက်သွယ်မေးမြန်းနိုင်ခဲ့ခြင်း မရှိပါဘူး။

အဲဒီငွေတောင်စားသောက်ဆိုင်ဟာ အာဏာသိမ်းတဲ့ကာလအစောပိုင်းမှာ ဆန္ဒပြတဲ့ပြည်သူတွေ သူ့ဆိုင်မှာ လာမထိုင်ရဘူးဆိုပြီး မောင်းထုတ်သလို အဲဒီကိစ္စကြောင့်ပဲ အစောင့်တွေနဲ့ အကာရံတွေနဲ့ ကာထားတယ်လို့  ရပ်ကွက်နေသူတဦးက ပြောပါတယ်။

ငွေတောင်စားသောက်ဆိုင်အနေနဲ့ အဲဒီလုပ်ရပ်အတွက် ပြန်လည်ပေးဆပ်ရမှာဖြစ်ပြီး ပြည်သူတွေအနေနဲ့ ငွေတောင်စားသောက်ဆိုင်တဝိုက်ကို ရှောင်ကြဉ်သွားလာကြဖို့ Black fox Yangon UG အဖွဲ့က သတိပေးထုတ်ပြန်ထားပါတယ်။

NB Black Fox UG