မကွေးတိုင်း၊ စလင်းမြို့နယ် မြေနုကျေးရွာမှာ မေလ ၁၉ ရက် မနေ့ညက  ဘုန်းကြီးကျောင်းကို အကြမ်းဖက်စစ်ကောင်စီတပ်တွေက  ဝင်မွှေပြီးတော့ လူငယ် ၅ ယောက်ထက်မနည်း ဖမ်းဆီးသွားပါတယ်။

“မနေ့ ည ၈နာရီကျော်လောက်က အကြမ်းဖက်စစ်တပ်အင်အား ၅၀ လောက်ဟာ ကား ၃ စီး၊ အချုပ်ကားတစ်စီးနဲ့ ရောက်လာပြီး ဘုန်ကြီးကျောင်းထဲက ကလေးတွေကို ရိုက်နှက်ဖမ်းဆီးပြီးတော့ ဗီရိုတွေကို ရိုက်ခွဲကာ လျှပ်စစ်မီးရန်ပုံငွေတွေကိုပါ ယူဆောင်သွားတယ်”လို့ ရွာသားတစ်ယောက်က ဒီဗွီဘီကို ပြောပါတယ်။

အဲဒီလိုဖမ်းဆီးပြီးတော့ သေနတ်နဲ့  ၅ ချက်လောက်ပစ်ဖောက်ပြီး လူငယ် ၅ ယောက်ထက်မနည်း ဖမ်းဆီးသွားတာတယ်လို့လည်းဆိုပါတယ်။

မြေနုကျေးရွာက ကျောင်းထိုင်ဆရာတော်နဲ့ သံဃာတော်တွေ အပါအဝင် ကျေးရွာသားတွေ ထွက်ပြေးတိမ်းရှောင်နေကြရပါတယ်။