မလေးရှားနိုင်ငံမှာ ကိုဗစ်-၁၉ ရောဂါ ကူးစက်ပျံ့နှံ့မှုတွေ မြင့်တက်နေတာကြောင့် မူ လသတ်မှတ်ထားတဲ့ ကာလကနေ နောက်ထပ် သီတင်း ၂ ပတ်ကြာ လော့ခ်ဒေါင်းကာလ တိုးမြှင့်ချမှတ်လိုက်ပါတယ်။

       အရင်က လော့ခ်ဒေါင်းကာလ ၂ ပတ်ချမှတ်မှုဟာ လာမယ့် ဇွန် ၁၄ ရက်မှာ ပြည့် မြောက်တော့မှာဖြစ်ပေမယ့် မလေးရှားနိုင်ငံမှာ နေ့စဉ် ကိုဗစ်-၁၉ ရောဂါကူးစက်မှုအသစ် ကတော့ ၅၀၀၀ ကျော်ကနေ လျော့နည်းသွားတာမျိုးမရှိပဲ ဆက်လက်မြင့်တက်နေတာကြောင့် နောက်ထပ် ၂ ပတ်ကြာ လော့ခ်ဒေါင်းချမှတ်လိုက်တာလို့ ကာကွယ်ရေး ဝန်ကြီး အစ္စမေးလ် ဆာဘရီ ယာကော့ဘ်က ပြောပါတယ်။

မလေးရှားနိုင်ငံတဝန်း လတ်တလောအချိန်ထိ ကိုဗစ်-၁၉ ရောဂါကူးစက်ခံရသူဦး ရေ ၆၄၀,၀၀၀ ကျော်နဲ့ သေဆုံးသူ ၃,၇၀၀ ကျော် ရှိနေပြီဖြစ်ကာ အာဆီယံနိုင်ငံ တွေထဲ ကူးစက်မှုအမြင့်ဆုံး ၃ နိုင်ငံထဲမှာ ပါဝင်နေပါတယ်။

တကမ္ဘာလုံးအတိုင်းအတာနဲ့ ရောဂါကူးစက်ခံရသူပေါင်း ၁၇၅ ဒသမ ၈ သန်းကျော်၊ သေ ဆုံးသူ ၃ ဒသမ ၇ သန်းကျော်နဲ့ ရောဂါပြန်လည်ပျောက်ကင်းလာသူ အရေအတွက် ကတော့ ၁၅၉ သန်းကျော် ရှိနေတာ ဖြစ်ပါတယ်။