ထိုင်းနိုင်ငံမြောက်ပိုင်း ချင်းရိုင် ပရာချာနုခရိုဆေးရုံမှာ ခုသီတင်းပတ်အတွင်းက ဆေးဘက်ဆိုင်ရာဝန်ထမ်း ၃၉ ယောက်မှာ ကိုဗစ်-၁၉ ရောဂါပိုး တွေ့ရှိခဲ့တာကြောင့် ဆေးရုံရဲ့ ဝန်ဆောင်မှုလုပ်ငန်း ၅၀ ရာခိုင်နှုန်းလောက် လျှော့ချလိုက်ရတယ်လို့ နေးရှင်းသတင်းမှာ ဖော်ပြပါတယ်။

       လတ်တလောမှာတော့ ဆေးရုံအနေနဲ့ ရောဂါကူးစက်ခံရတဲ့ ရင်းမြစ်ကို ရှာဖွေနေ ပြီး တခြားသူတွေ ဘယ်လောက်များများ ကူးစက်ခံထားခဲ့ရတယ်ဆိုတာကိုလည်း ရှာဖွေ နေတယ်လို့ ပြောပါတယ်။

       ဆေးရုံတက်ရောက်ကုသနိုင်တဲ့ ဝန်ဆောင်မှုတွေ လျှော့ချပြီးနောက်မှာ လူနာ ၁ ယောက်ကို ဆွေမျိုး၊ ဒါမှမဟုတ် မိတ်ဆွေလူနာစောင့် ၁ ယောက်သာ နေထိုင်ခွင့်ပြုတော့ မှာဖြစ်ကြောင်း ကြေညာထားခဲ့တာပါ။

       ဒါ့အပြင် ရောဂါကူးစက်မှု အနီရောင်အဆင့်လို့ သတ်မှတ်ထားတဲ့ ဆေးရုံရဲ့ အတွင်း လူနာကုသဆောင်ကိုလည်း ပိတ်ထားလိုက်ရတာ ဖြစ်ပါတယ်။

       ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာတော့ လက် ရှိအချိန်ထိ ရောဂါကူးစက်ခံရသူပေါင်း ၂ သိန်း ၂ သောင်းကျော်နဲ့ သေဆုံးသူပေါင်း ၁,၇၀၀ ကျေိာ် ရှိနေခဲ့ကာ အာဆီယံဒေသတွင်း နိုင်ငံတွေထဲ ကူးစက်မှုအမြင့်ဆုံး ၅ နိုင်ငံ ထဲ ပါဝင်နေတာ ဖြစ်ပါတယ်။