တရားမဝင် ကိုကင်းဓာတ်ခွဲခန်းနှင့် ကုန်ကြမ်းပစ္စည်းများကို ကိုလံဘီယာရဲတပ်ဖွဲ့ ရှာဖွေဖမ်းမိ

ကိုလံဘီယာ အာဏာပိုင်တွေဟာ ကိုကင်း ဓာတ်ခွဲခန်းတခန်းကို ရှာတွေ့အပြီး ကိုကင်းထိုးဆေး လုံးရေ ၃ သန်းကျော် ထုတ်လုပ်နိုင်တဲ့ ကုန်ကြမ်းတွေကိုပါ သိမ်းဆည်းနိုင်ခဲ့တယ်လို့ သြဂုတ် ၃ ရက် ရိုက်တာ သတင်းမှာ ဖော်ပြထားပါတယ်။
အခုလို သိမ်းဆည်းနိုင်လို့ ဓာတ်ခွဲခန်းနောက်ကွယ်က တရားမဝင် အဖွဲ့အစည်းအတွက် အမေရိကန် ဒေါ်လာ ၃၉ သန်းလောက် ဆုံးရှုံးသွားလိမ့်မယ်လို့ အမှတ် ၇၂ အထူးတပ်ဖွဲ့ရဲ့ တပ်မှူး ရေတပ် ဒုဗိုလ်ချုပ်ကြီး အော်လန်ဒိုကူဘီလော့စ်က ပြောပါတယ်။
ဒီတရားမဝင် ဓာတ်ခွဲခန်းဟာ ဖရန်ကို ဘေနာဗီဒက်ဇ် ရွေ့လျားလက်နက်ကိုင်အုပ်စုရဲ့ အကြွင်းအကျန်တွေက ပိုင်ဆိုင်တာလို့ ရိုက်တာသတင်းဌာနက ဖော်ပြထားပါတယ်။
ဓာတ်ခွဲခန်းထဲမှာ မူးယစ်ဆေး ၈၄၇ ကီလိုဂရမ်၊ အစိုင်အခဲ ကုန်ကြမ်း ၈၂၅ ကီလိုနဲ့ အရည် ကုန်ကြမ်း ၂၂၃၂ ဂါလန်ကို အာဏာပိုင်တွေက တွေ့ခဲ့တာပါ။
ဒါ့အပြင် မူးယစ်ဆေး ၂ တန်ကျော်ကို သယ်ပို့နိုင်တဲ့ ရေငုပ်သင်္ဘောတစီးကိုလည်း သိမ်းဆည်းနိုင်ခဲ့ပါတယ်။
ဒီရေငုပ်သင်္ဘောကို အယ်လ်ဖွန်ဆိုကာနိုအောက်စီဒန်တယ် လက်နက်ကိုင်အုပ်စုရဲ့ အကြွင်းအကျန်တွေက ပိုင်တယ်လို့ ကိုလံဘီယာ အာဏာပိုင်တွေက ယုံကြည်ထားပါတယ်။