စစ်အာဏာရှင်အား အမြစ်ဖြတ်ချေမှုန်းဖို့ မြင်းခြံမြို့ PDF ပြောက်ကျားတပ်ဖွဲ့ ၅ ဖွဲ့ ပူးပေါင်းလိုက်တယ်လို့ သြဂုတ် ၆ ရက်နေ့က ကြေညာချက်ထုတ်ပြန်ပါတယ်။

ဒီကြေညာချက်မှာ MG6 ပြောက်ကျားတပ်ဖွဲ့၊ နှလုံးလှလူမိုက်ကြီးများအဖွဲ့၊ Zero ပြောက်ကျားတပ်ဖွဲ့၊ Seven People Defence Force နဲ့ 27 Revolution Forces စတဲ့ မြင်းခြံမြို့ PDF အဖွဲ့ ၅ ဖွဲ့ဟာ စည်းလုံးညီညွတ်စွာ အတူတကွပေါင်းစည်းလိုက်ပြီ; စစ်အာဏာရှင်အား အမြစ်ဖြတ်ချေမှုန်းသွားမယ်ဆိုပြီး သစ္စာပြုခဲ့ကြတယ်လို့ ဆိုပါတယ်။

မြင်းခြံ PDF ပြောက်ကျးတပ်ဖွဲ့ ၅ ဖွဲ့ဟာ စုဖွဲ့တိုက်ပွဲဝင်မှာဖြစ်ပြီး လက်ရှိ မြေပြင်အနေအထားအရ လူစုခွဲ (ပြောက်ကျား) လှုပ်ရှားနေကြကာ တိုင်းဒေသကြီး၊ ပြည်နယ်အလိုက် (PDF) တပ်ဖွဲ့ဝင်တွေနဲ့ ချိတ်ဆက်တိုက်ပွဲဝင်သွားမယ်လို့ ကြေညာထားပါတယ်။

မြင်းခြံမြို့ PDF တပ်ဖွဲ့ဝင်တွေအနေနဲ့ NUG၊ CRPH လမ်းညွှန်ချက်တွေနဲ့အတူ ချိတ်ဆက် ဆောင်ရွက်နေတယ်လို့ ဆိုပါတယ်။