မန္တလေးတိုင်း မိတ္ထီလာမြို့ ရှောင်လမ်းပေါ်မှာရှိတဲ့ မိုင်တဲလ်ဆက်သွယ်ရေး တာဝါတိုင် စက်တင်ဘာ ၅ ရက် မနက်ပိုင်းက မီးရှို့ခံရတယ်လို့ ဒေသခံတစ်ဦးက ပြောပါတယ်။  

တာဝါတိုင်ဟာ ရန်ကုန်-မန္တလေး လမ်းဟောင်းပေါ်က မိတ္ထီလာမြို့ရှောင်လမ်း မိုင်တိုင် ၃၁၄/၅ ရှိနေတာပါ။

“လူခြေတိတ်ချိန် ည ၁ နာရီလောက်မှာ ဖြစ်တာတဲ့။ ဒေသခံတွေက ဘာမှမသိလိုက်ဘူး။ မနက်တာဝါတိုင်ကို ရဲတွေနဲ့တာဝန်ရှိသူတွေ လာမှသိတာ။ အတွင်းထဲက ပစ္စည်းတွေ တော်တော်ပျက်သွားတယ်လို့ ပြောကြတယ်”လို့ ဒေသခံက ဆိုပါတယ်။

အဲဒီတာဝါတိုင်မှာ တာလီနောဆက်သွယ်ရေးကလည်း အငှားတပ်ဆင်ထားတယ်လို့ သိရပြီး ဘယ်သူတွေ မီးရှို့တယ်ဆိုတာ မသိရသေးပါဘူး။