စစ်ကိုင်းတိုင်း ဆာလင်းကြီးမြို့နယ် အမှတ် ၂၆ ရဲတပ်ရင်း စက်တင်ဘာ ၁၅ ရက် ည ၈ နာရီလောက်က ဗုံးခွဲတိုက်ခိုက်ခံခဲ့ရတယ်လို့ အနီးဝန်းကျင်နေ ဒေသခံတွေက ပြောပါတယ်။ 

ဗုံးခွဲခံရပြီးချင်း စစ်ကောင်စီရဲ့ အကြမ်းဖက်လက်နက်ကိုင်တွေက ပြန်လည်ပစ်ခတ်ခဲ့လို့ သေနတ်သံတွေ ကြားရတယ်လို့ အနီးဝန်းကျင်ရှိ ပြည်သူ တစ်ဦးက ပြောပါတယ်။

“ပထမတော့ ဗုံးသံကြားရတယ်။ ဗုံးသံကြားပြီး မကြာဘူး သေနတ်သံတွေပါကြားရတယ်။ အပြန်အလှန်ပစ်တာလား ဘယ်လိုလဲ ဆိုတာတော့ မသိဘူး။” 

ဘယ်အဖွဲ့က ဗုံးခွဲ တိုက်ခိုက်ခဲ့တယ်ဆိုတာနဲ့ ထိခိုက်ပျက်စီးတဲ့ အခြေအနေကိုတော့ မသိရှိရသေးပါဘူး။