အာဆီယံဒေသတွင်း နိုင်ငံတနိုင်ငံဖြစ်တဲ့ စင်ကာပူနိုင်ငံမှာ ကိုဗစ်-၁၉ ရောဂါကူးစက်ခံရ သူပေါင်း ၁ သိန်းကျော်လာခဲ့ပြီဖြစ်တယ်လို့ စင်ကာပူကျန်းမာရေးဝန်ကြီးဌာနက ထုတ် ပြန်ပါတယ်။

လက်ရှိအချိန်ထိ ကိုဗစ်-၁၉ ကြောင့် သေဆုံးသူစုစုပေါင်းကတော့ ၁၀၇ ယောက်ရှိနေပြီး ရောဂါပြန်လည်ပျောက်ကင်းသက်သာလာလို့ ဆေးရုံက ဆင်းခွင့်ရသူအရေအတွက်ကတော့ ၈၀,၀၀၀ ကျော်ရှိနေတယ်လို့ ဆိုပါတယ်။

ပြီးခဲ့တဲ့ အောက်တိုဘာ ၁ ရက်နေ့အထိ စင်ကာပူနိုင်ငံလူဦးရေရဲ့ ၈၂ ရာခိုင်နှုန်းကတော့ ကာကွယ်ဆေး ၂ ကြိမ် အပြည့်အဝထိုးနှံပြီးသူတွေဖြစ်ကာ အနည်းဆုံး ၁ ကြိမ်ထိုးနှံပြီးသူ အရေအတွက်ကတော့ ၈၅ ရာခိုင်နှုန်း ရှိနေတယ်လို့ ဆိုပါတယ်။

စင်ကာပူနိုင်ငံ အမျိုးသားကာကွယ်ဆေးထိုးအစီအစဉ်အရ ကိုဗစ်-၁၉ အားဖြည့် Booster ကာကွယ်ဆေး ၂၅၈,၀၄၃ အပါအဝင် ကာကွယ်ဆေး ၉ ဒသမ ၂ သန်းကျော်ထိုးနှံပေးသွား ဖို့ ညွှန်ကြားထားတယ်လို့ စင်ကာပူကျန်းမာရေးဝန်ကြီးဌာနက ပြောပါတယ်။

အာဆီယံနိုင်ငံတွေထဲမှာတော့ ကိုဗစ်-၁၉ သန်းချီကူးစက်ခံ အင်ဒိုနီးရှား၊ ဖိလစ်ပိုင်၊ မလေးရှားနဲ့ ထိုင်းနိုင်ငံတွေက ကူးစက်မှုအများဆုံးနိုင်ငံတွေအနေနဲ့ ရှိနေပါတယ်။

 ကမ္ဘာတဝန်းမှာတော့ လက်ရှိအချိန်ထိ ရောဂါကူးစက်ခံရသူပေါင်း ၂၃၅ ဒသမ ၅၃ သန်း ကျော်၊ သေဆုံးသူ ၄ ဒသမ ၈၁ သန်းကျော်နဲ့ ရောဂါပြန်လည်ပျောက်ကင်းသက်သာလာ သူပေါင်း ၂၁၂ ဒသမ ၃၉ သန်းကျော် ရှိပါတယ်။