ပခုံးဒဏ်ရာ နာကျင်မှုရှိပေမယ့် ၁၁ လကြာတဲ့အထိ ပွဲကစားပေးခဲ့တယ်လို့ မန်ယူနိုက်တက်တိုက်စစ်မှူး ရက်ရှ်ဖို့ဒ်က ပြောပါတယ်။ 

ရက်ရှ်ဖို့ဒ်ဟာ ပခုံးဒဏ်ရာကို ပြီးခဲ့တဲ့ စက်တင်ဘာလက ရရှိခဲ့ပေမဲ့ အခုနှစ် ဩဂုတ်လရောက်မှသာ ခွဲစိတ်ကုသမှု ခံယူခဲ့တာပါ။

ပြီးခဲ့တဲ့နှစ်စက်တင်ဘာလမှာ ပခုံးဒဏ်ရာ ရရှိခဲ့ပြီးနောက် ဒဏ်ရာက တဖြည်းဖြည်း ဆိုးလာခဲ့ကြောင်း၊ လက်ရှိအချိန်မှာတော့ လုံးဝကောင်းမွန်သွားပြီး စိတ်ပိုင်းရော ရုပ်ပိုင်းဆိုင်ရာမှာပါ ပိုကောင်းလာတယ်လို့ ခံစားရကြောင်း ရက်ရှ်ဖို့ဒ်က ပြောပါတယ်။ 

အသက် ၂၃ နှစ်ရှိ အင်္ဂလန်တိုက်စစ်မှူးဟာ မနှစ်ကရာသီမှာ ကလပ်နဲ့ နိုင်ငံအသင်းအတွက် စုစုပေါင်း ၆၄ ပွဲ ကစားခဲ့တာဖြစ်ပါတယ်။ 

ရက်ဖို့ဒ်ဟာ ဒဏ်ရာရပြီးနောက် ဗုဒ္ဓဟူးနေ့က ကစားခဲ့တဲ့ ဘလက်ဘန်းနဲ့ ခြေစမ်းပွဲမှာ ပထမဆုံးအကြိမ် ပါဝင်ကစားခဲ့ပြီး အနိုင်ဂိုး ၂ ဂိုးသွင်းယူနိုင်ခဲ့ပါတယ်။ အဲဒီတံခါးပိတ်ခြေစမ်းပွဲမှာ ယူနိုက်တက်က ၃ ဂိုး ဂိုးမရှိနဲ့ အနိုင်ရခဲ့ပါတယ်။