အမေရိကန်သမ္မတ ဂျိုးဘိုင်ဒန်က ကလေးတွေအတွက် လာမယ့် သီတင်းပတ်ကစပြီး ကိုဗစ်-၁၉ ကာကွယ်ဆေး လုံလောက်အောင် ထိုးပေးမှာဖြစ်ပြီး နိုင်ငံတဝန်း နေရာ ၂ သောင်းမှာ ကာကွယ်ဆေး ထိုးဆေးတွေ ရတော့မယ်လို့ နိုဝင်ဘာ ၃ ရက်မှာ ပြောခဲ့ပါတယ်။

“ဒါဟာ နိုင်ငံတဝန်းက မိဘတွေအတွက် စိတ်သက်သာရာရပြီး ပျော်ရမယ့်နေ့ပဲ၊ ကိုယ့်ကလေးတွေ နှာစေး ချောင်းဆိုးတဲ့အချိန်တိုင်း ၁၈ လ နီးပါး စိတ်သောကရောက်ခဲ့အပြီး ခုတော့ သူတို့ကို ဆိုးရွားတဲ့ ဗိုင်းရပ်စ်ကနေ ကာကွယ်နိုင်ပြီ” လို့ ဘိုင်ဒန်က သတင်းထောက်တွေကို နိုဝင်ဘာ ၃ ရက်နေ့မှာ ပြောပါတယ်။

အမေရိကန်အစိုးရက အသက် ၅ နှစ်ကနေ ၁၁ နှစ်ကြား ကလေးတွေကို ကိုဗစ်-၁၉ ကပ်ရောဂါ ကာကွယ်ဆေး စတင်ထိုးပေးနေပြီး ဒါဟာ နေမကောင်းမဖြစ်အောင် ကာကွယ်ပေးဖို့ ထိုးဆေးထိုးနှံရေးအတွက် ဘောင်ဝင်တဲ့ နောက်ဆုံးအုပ်စုလည်း ဖြစ်ပါတယ်။