ဝီကီလိခ်တည်ထောင်သူ ဂျူလီယန်အက်ဆန်ကို အမေရိကန်သို့ပြန်ပို့ရန် နီးစပ်လာ
ဝီကီလိခ်တည်ထောင်သူ ဂျူလီယန်အက်ဆန်ကို အမေရိကန်နိုင်ငံပြန်ပို့ရေး အယူခံအမှုကို လန်ဒန်တရားရုံးမှာ အမေရိကန်အစိုးရဘက်က အနိုင်ရရှိသွားပါတယ်။
သူ့ရဲ့ စိတ်ကျန်းမာရေး စိုးရိမ်ရမှုကြောင့် အမေရိကန်ကို ပြန်မပို့ဖို့ လန်ဒန် အောက်တရားရုံးက ဇန်နဝါရီလက ဆုံးဖြတ်ထားပေမဲ့၊ အထက်တရားရုံးက မနေ့က ပယ်ချလိုက်လို့ နိုင်ငံပြန်ပို့ရေးဟာ နီးစပ်သွားပါတယ်။
ဒီအမှုကို အောက်တရားရုံးမှာ အက်ဆန်ရဲ့ဇနီးက အယူခံပြန်ဝင်မှာဖြစ်ပြီး ရှုံးတဲ့ဘက်က ဗြိတိန် အဆင့်မြင့် တရားရုံးတော်မှာ နောက်ဆုံးအယူခံ ယူရမှာ ဖြစ်ပါတယ်။
အက်ဆန်ဟာ အမေရိကန်အစိုးရ ကွန်ပျူတာတွေကို hacking လုပ်ပြီး သံတမန်ရေးနဲ့စစ်ရေး အရေးကြီး အချက်အလက်တွေ ဗီဒီယိုတွေကို သူ့ရဲ့ဝီကီလိခ်ကတဆင့် ၂၀၀၇ မှာ ဖွင့်ချခဲ့ပါတယ်။ အမေရိကန် အစိုးရက သူ့ကို နိုင်ငံတော်လျှို့ဝှက်ချက် ချိုးဖောက်မှုနဲ့ တရားစွဲထားပါတယ်။
ပြစ်မှုထင်ရှားရင် ပြဒဏ် ၁၇၅ နှစ်အထိ ကျနိုင်ပါတယ်။ လန်ဒန် အီကွေဒေါသံရုံးမှာ ခိုလှုံနေတဲ့ သတင်းလွတ်လပ်ခွင့်သူရဲကောင်း ဂျူလီယန်အက်ဆန် လွတ်မြောက်ဖို့ နယ်စည်းမခြား သတင်းသမားတွေက တောင်းဆို ဆန္ဒပြနေကြပါတယ်။
