စစ်ကိုင်းတိုင်း၊ အရာတော်မြို့နယ်၊ ဝါးရောင်းကျေးရွာအနီးက စစ်တပ်ပိုင် မိုင်တဲလ်တာဝါတိုင်ကို ဒီဇင်ဘာ ၁၁ ရက် နေ့လယ်ပိုင်းက  ဖေါက်ခွဲဖျက်ဆီးလိုက်တယ်လို့  Knights Of The Red Land(KORL)က ထုတ်ပြန်ပါတယ်။

“ကျနော်တို့မြို့နယ်မှာ တခြား အော်ပရေတာတွေ အင်တာနက်လိုင်းတွေပိတ်ထားပေမယ့်။ မိုင်တဲလ်က အခုထိရနေသေးတယ် ဒါကြောင့်ဖေါက်ခွဲ ဖျက်ဆီးခဲ့တာဖြစ်မယ်”လို့ ဒေသခံက ပြောပါတယ်။

စက်တင်ဘာ ၁၅ ရက်ကစပြီး မြို့နယ်အတွင်း အင်တာနက်လိုင်းတွေ ဖြတ်တောက်ခံထားရတယ်လို့သိရပြီး မိုင်တဲလ်အင်တာနက်လိုင်းကတော့ အခုအချိန်ထိ အသုံးပြုလို့ရနေသေးတယ်လို့ ဒေသခံတွေကပြောပါတယ်။

အရာတော်မြို့နယ်မှာ မိုင်တဲလ်တာဝါတိုင် ၃၀ ကျော်လောက်ရှိရာမှာ  ၂၅ တိုင်ကျော် ဖေါက်ခွဲဖျက်ဆီးပြီးပြီလို့  ARA တာဝန်ရှိသူတစ်ဦးက အတည်ပြုပြောပါတယ်။