ဘဂ္ဂဒက် လေတပ်စခန်းကို ချဉ်းကပ်လာသည့် ဒရုန်းယာဉ် ၂ စင်းကို အီရတ်ပစ်ချ
အီရတ်မြို့တော် ဘဂ္ဂဒက်အနောက်ပိုင်းက အမေရိကန်စစ်တပ်တွေထားရှိရာ အိန်းအယ်လ် အာဆတ် လေတပ်အခြေစိုက်စခန်းကို ချဉ်းကပ်လာတဲ့ ဖောက်ခွဲရေးပစ္စည်းတပ်ဆင် ဒရုန်းယာဉ် ၂ စင်းကို အီရတ်လေကြောင်းရန်ကာကွယ်ရေးတပ်က ဇန်နဝါရီ ၄ ရက်မှာ ပစ်ချခဲ့တယ်လို့ အမေရိကန်ဦးဆောင်တဲ့ နိုင်ငံတကာမဟာမိတ်တပ်ဖွဲ့ အရာရှိတယောက်က ပြောပါတယ်။
ဇန်နဝါရီ ၃ ရက်ကလည်း ဘဂ္ဂဒက်မြို့တော် နိုင်ငံတကာလေဆိပ်နားက အမေရိကန်စစ်တပ် စခန်းချရာ အခြေစိုက်စခန်းဆီကို ချဉ်းကပ်လာတဲ့ ဒရုန်းယာဉ် ၂ စင်းကို အီရတ်လေကြောင်းရန် ကာကွယ်ရေးတပ်က ကြားဖြတ်ပစ်ချခဲ့ပါသေးတယ်။
ဆီးရီးယားနိုင်ငံ ဂရင်းရွာနားက ဒုံးကျည်လွှတ်စင် အတော်များများကိုတွေ့ရှိအပြီးမှာ မကြာမီ ကျရောက်မယ့် ခြိမ်းခြောက်မှုအန္တရာယ်တရပ်ကို မဟာမိတ်တပ်က တိုက်ခိုက်ခဲ့တယ်လို့ လည်း ညွန့်ပေါင်းတပ် အရာရှိ နောက်တယောက်က ပြောခဲ့ပါတယ်။
အီရန်က ကျောထောက်နောက်ခံပေးထားတဲ့ ပြည်သူ့စစ်တပ်ဖွဲ့တွေက အီရတ်နဲ့ ဆီးရီးယား နိုင်ငံတွေထဲက အမေရိကန်တပ်တွေကို မကြာခဏ ပစ်မှတ်ထား တိုက်ခိုက်လေ့ရှိပါတယ်။
