စစ်ကိုင်းတိုင်း မုံရွာမြို့ အာဇာနည်လမ်းနှင့်အောင်သပြေလမ်းဆုံမှာ ဇန်နဝါရီ ၅ ရက် မနက်ပိုင်းက ဗုံးပေါက်ကွဲမှု ဖြစ်ပွားပြီး စစ်ကောင်စီဘက်က  သေဆုံးတာတွေရှိခဲ့တယ်လို့ သိရပါတယ်။

မနေ့ မနက်ပိုင်းမှာ အာဇာနည်လမ်းမှာ ဗုံးပေါက်လို့ စစ်ကောင်စီဘက်က ၅ ဦးသေဆုံးခဲ့ပြီး အဲဒီလမ်းကို ဖြတ်သွားတဲ့ ဆိုင်ကယ်ပေါ်က ပြည်သူတစ်ဦးကို စစ်ကောင်စီတပ်က သေနတ်နဲ့ ပစ်သတ်ခဲ့တယ်လို့ မျက်မြင်တစ်ဦးက ပြောပါတယ်။ 

စစ်ကောင်စီတပ်က ပစ်ခတ်တာကြောင့် ကိုဇာလင်းဟာ မျက်နှာဘယ်ဘက်တခြမ်း စုတ်ပြတ်နေ ပြီး ဝမ်းဗိုက်ထဲ ကျည်ထိသွားတယ်လို့ သိရပါတယ်။

စစ်တပ်က ရည်ရွယ်ချက်ရှိရှိ သတ်ဖြတ်ခဲ့တာဖြစ်ပြီး အလောင်းကို မနေ့ညနေပိုင်းက မိသားစုကို လာထုတ်ဖို့ အကြောင်းကြားခဲ့တယ်လို့ မိသားစုနဲ့နီးစပ်သူတစ်ဦးက ပြောပါတယ်။