မက္ကဆီကိုသမ္မတ ဒုတိယအကြိမ် ကိုဗစ်-၁၉ ကူးစက်ခံရ

မက္ကဆီကို သမ္မတ အန်ဒရေမန်နျူယယ်လိုပက်ဇ်အိုဘရဒေါဟာ ဒုတိယအကြိမ် ကိုဗစ်-၁၉ ကပ်ရောဂါ ကူးစက်ခံရပြီး သူ့မှာ ရောဂါလက္ခဏာ အနုစားပဲ ရှိနေတယ်လို့ ဇန်နဝါရီ ၁၀ ရက်မှာ ကြေညာလိုက်ပါတယ်။
“လက္ခဏာတွေက အနုစားဖြစ်ပေမယ့် ကျနော် သီးခြားခွဲနေထိုင်ပြီး နေပြန်ကောင်းတဲ့ အချိန်အထိ ရုံးအလုပ်တွေနဲ့ အဆက်အသွယ်တွေကို အွန်လိုင်းကနေပဲ လုပ်သွားမယ်” လို့ သမ္မတက တွစ်တာ လူမှုကွန်ရက်ပေါ်ကနေ ပြောပါတယ်။
အဲဒီနေ့ အစောပိုင်း မနက်ခင်း သတင်းစာရှင်းလင်းပွဲအတွင်း သတင်းထောက်တွေက သူ့ကျန်းမာရေးကို မေးရာမှာ ကြံ့ခိုင်တဲ့ လေသံနဲ့ ဖြေခဲ့တယ်လို့ ရိုက်တာသတင်းမှာ ဖော်ပြပါတယ်။
မက္ကဆီကိုသမ္မတ ပြီးခဲ့တဲ့နှစ် ဇန်နဝါရီမှာ ကိုဗစ်-၁၉ ကပ်ရောဂါ ကူးစက်ခံရဖူးတာပါ။