ပါကစ္စတန်နိုင်ငံ အနောက်တောင်ပိုင်းက စစ်တပ်အခြေစိုက်စခန်း ၂ ခု ညဘက်မှာ တိုက်ခိုက်ခံရပေမယ့် ပါကစ္စတန်စစ်တပ်က အောင်အောင်မြင်မြင် တွန်းလှန်နိုင်ခဲ့တယ်လို့ ပြည်ထဲရေးဝန်ကြီး ရှိတ်ခ် ရာရှိဒ် အာမဒ်က ဖေဖော်ဝါရီ ၃ ရက်မှာ ပြောပါတယ်။

ပြည်နယ်အတွင်း ရှင်းလင်းနေပြီလို့လည်း ဝန်ကြီးက ကြိုတင်ရိုက်ကူးထားတဲ့ ရုပ်သံ ကြေညာချက်ထဲမှာ ပြောပါတယ်။

တိုက်ပွဲအတွင်း စစ်သည် လေးယောက် ကျဆုံးပြီး တိုင်းရင်းသားတပ်သား ၁၅ ယောက် ကျဆုံးတယ်လို့ ဆိုပါတယ်။

ဘာလိုချီစတန်ပြည်နယ်မှာ တိုင်းရင်းသား ခွဲထွက်ရေးအုပ်စုဖြစ်တဲ့ ဘာလို့ချ် လွတ်မြောက်ရေးတပ် ရှိပြီး သူတို့ တိုက်ခိုက်တာလို့ အခိုင်အမာ ပြောပါတယ်။

ဘာလို့ချ်တိုင်းရင်းသား ပြောက်ကျားတပ်တွေဟာ ပြည်နယ်ခွဲထွက်ဖို့ အစိုးရတပ်တွေကို တိုက်နေတာ ဆယ်စုနှစ်ချီ ကြာနေပါပြီ။

ဗဟိုအစိုးရဟာ တိုင်းရင်းသား ဘာလိုချီစတန် ပြည်နယ်က ကြွယ်ဝတဲ့ ဓာတ်ငွေ့နဲ့ သတ္ထု ရင်းမြစ်တွေကို မမျှမတ လှိုက်စားနေတယ်လို့ ပြောဆိုနေကြပါတယ်။

ဝန်ကြီးချုပ် အမ်ရမ်ခန်း ဆောင်းရာသီ အိုလံပစ် အားကစားပွဲဖွင့်ပွဲတက်ဖို့ တရုတ်မြို့တော် ပေကျင်းကို မသွားခင် နာရီပိုင်းအတွင်း ညလုံးပေါက် စတင်တိုက်ခိုက်ခဲ့တာလို့ ရိုက်တာ သတင်းမှာ ဖော်ပြပါတယ်။