တောင်ကိုရီးယားသို့ မြန်မာအလုပ်သမားစေလွှတ်မှု ယာယီပြန်ရပ်ဆိုင်း
ကိုဗစ်-၁၉ ရောဂါဖြစ်ပွားမှု ပြန်များလာလို့ တောင်ကိုရီးယားကို မြန်မာအလုပ်သမား စေလွှတ်မှုကို ယာယီပြန်ရပ်နားလိုက်တယ်လို့ အလုပ်သမားတွေကို တာဝန်ယူပို့ဆောင်နေတဲ့ POEA က ဒီနေ့ ထုတ်ပြန်ပါတယ်။
မြန်မာအလုပ်သမားတွေကို ခေါ်ယူပေးနေတဲ့ HRD-Korea ဘက်က အလုပ်သမားတွေ အဲဒီနိုင်ငံကို ဝင်ရောက်ရမယ့် နေ့ရက်ကို ရွှေ့ဆိုင်းလိုက်တာကြောင့် ဒီရက်သတ္တပတ်အတွင်း စေလွှတ်နိုင်မှာ မဟုတ်ဘူးလို့ ထုတ်ပြန်ချက်မှာ ဖော်ပြထားပါတယ်။
မြန်မာအလုပ်သမားတွေ ဝင်ရောက်ခွင့်ရမယ့် ခန့်မှန်းနေ့ရက်ကိုသိရရင် သွားရောက်ခွင့်ရမယ့် အလုပ်သမားတွေဆီ ဆက်သွယ်အကြောင်းကြားပြီး ဆေးစစ်တာ၊ ဗီဇာလျှောက်တာတွေ ဆက်လုပ်မယ်လို့ ဆိုပါတယ်။
တောင်ကိုရီးယားနိုင်ငံဟာ ကိုဗစ်ရောဂါကြောင့် မြန်မာအလုပ်သမားတွေကို ခေါ်ယူမူ ၂ နှစ်လောက် ရပ်ဆိုင်းခဲ့ပြီး ၂၀၂၂ ဇန်နဝါရီလကမှ ပြန်လည်ခေါ်ယူနေတာပါ။
လက်ရှိ အလုပ်သမားပြန်လည်စေလွှတ်ခွင့်ရတဲ့ နှစ်လနီးပါးအတွင်းမှာ အလုပ်သမား တစ်ထောင်လောက် သွားရောက်နိုင်ခဲ့တယ်လို့ မှတ်တမ်းတွေအရ သိရပါတယ်။
မြန်မာအလုပ်သမားတွေ ပြန်လည်သွားရောက်လုပ်ကိုင်ခွင့်ရပြီး နှစ်လလောက်အကြာမှာပဲ ကိုဗစ်ရောဂါ အကြောင်းပြချက်ကြောင့် ပြန်ရပ်သွားတာပါ။
