ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ သုဝဏ္ဏ ၂၄ ရပ်ကွက်၊ သံသုမာလမ်းနဲ့ ပဒုမ္မာလမ်းထောင့်မှာရှိတဲ့ ကမ္ဘောဇဘဏ်ခွဲမှာ ဒီနေ့ မတ်လ ၁၁ ရက် မနက် ၄ နာရီလောက်က မီးလောင်မှု ဖြစ်ပွားခဲ့ပါတယ်။

အမည်မသိလူနှစ်ယောက်က ဘဏ်ရှေ့မှာရှိတဲ့ ATM စက်ကို မီးရှို့ရာက ဘဏ်ကို မီးကူးစက် လောင်ကျွမ်းခဲ့တာဖြစ်ပြီး မီးလောင်ထားတဲ့ ATM စက်အနီးမှာလည်း ဓာတ်ဆီပုံးတပုံး သိမ်းဆည်းရရှိခဲ့တယ်လို့ ဒေသခံတွေရဲ့ ပြောကြားချက်အရ သိရပါတယ်။

Level 1 အဆင့် မီးလောင်ခဲ့တာဖြစ်ပြီး  မီးသတ်ယာဉ်၊ ရေသယ်ယာဉ် ၁၂ စီးနဲ့ ငြှိမ်းသတ်ခဲ့လို့ မနက် ၅နာရီကျော်လောက်မှာ  မီးငြိမ်းခဲ့ပြီး ပျက်စီးဆုံးရှုံးမှု တန်ဖိုးကိုတော့ အတိအကျ မသိရသေးပါဘူး။