စပိန်နိုင်ငံ ဘာစီလိုနာမြို့ပြင်မှာ မေ ၁၆ ရက် ညနေက ရထား ၂ စီး တိုက်မှုကြောင့် ခရီးသည် ရထားမောင်းသူ သေဆုံးခဲ့ပြီး လူ ၈၀ ကျော် ဒဏ်ရာရခဲ့ကြတယ်လို့ ကာတာလန် ဒေသန္တရ အာဏာပိုင်တွေက ပြောပါတယ်။

လူ ၈၅ ယောက် ဒဏ်ရာရပြီး ၂ ယောက်ကတော့ အသည်းအသန် အခြေအနေမှာ ရှိနေတယ်လို့ ဒေသန္တရ အရေးပေါ်ဌာနက ပြောပါတယ်။

ဘာစီလိုနာမြို့ကနေ ၉ မိုင်နီးပါးအကွာ စန်ဘွိုင်ဒယ် လိုဘရာဒါမြို့က ဘူတာရုံမှာ ကုန်ရထားက လမ်းချော်ပြီး ခရီးသည်တင် ရထားကို ဝင်တိုက်ခဲ့တာပါ။

ရထားထဲက ခရီးသည် အယောက် ၁၀၀ လောက်ကို ဘေးကင်းရာ ရွှေ့ပေးခဲ့ရတယ် လို့ ဒေသန္တရ အစိုးရက ကြေညာချက်ထုတ်ထားပါတယ်။