ကမ္ဘာ့ကျော်အဆိုတော် ရှာကီယာနဲ့ ဘာစီလိုနာ နောက်တန်းကစားသမား  ဂျာရတ်ပီကေးတို့ ဇနီးမောင်နှံ ကွာရှင်းပြတ်စဲသွားလိုက်ကြတဲ့အကြောင်းကို သူတို့ စုံတွဲက မေ ၄ ရက်မှာ တရားဝင် သတင်းထုတ်ပြန်ပါတယ်။ 

ဒီလို ကွာရှင်းလိုက်တဲ့အတွက် ဝမ်းနည်းရတဲ့အကြောင်းနဲ့ သူတို့နှစ်ယောက်ရဲ့ နံပါတ်တစ် ဦးစားပေးဖြစ်တဲ့ ကလေးတွေကို ငဲ့ကွက်တဲ့အနေနဲ့ အတွင်းရေးတွေကို လေးစားမှု ရှိကြဖို့ကိုလည်း ကြေညာချက်မှာ မေတ္တာရပ်ခံထားပါတယ်။

ကိုလံဘီယာ အဆိုတော် ရှာကီယာနဲ့ ပီကေးတို့ဟာ ၂၀၁၁ ခုနှစ်ကတည်းက စုံဖက် ပေါင်းသင်းလာကြတာဖြစ်ပြီး သူတို့စုံတွဲမှာ ကလေးနှစ်ယောက် ထွန်းကားပါတယ်။

သူတို့ နှစ်ယောက်ဟာ ၂၀၁၀ ပြည့်နှစ်တုန်းက တောင်အာဖရိကမှာ ကျင်းပခဲ့တဲ့ ကမ္ဘာ့ဖလား ဘောလုံးပွဲ မတိုင်ခင်လေး အဲဒီအချိန်က ရှာကီယာရဲ့ နာမည်ကျော်သီချင်း ဝါကာ ဝါကာ "Waka Waka (This Time for Africa)" ရိုက်ကူးတဲ့ အချိန်မှာ ဖူးစာဆုံခဲ့ကြတာ ဖြစ်ပါတယ်။