ဂျာမန်ထိပ်သီးကလပ် ဘိုင်ယန်မြူးနစ်အသင်းနည်းပြနာဂယ်စ်မန်းနဲ့ ချစ်ကြိုက်နေတဲ့ သတင်း ထောက်အမျိုးသမီးဟာ တာဝန်ကနေ ဖယ်ရှားခံလိုက်ရပါတယ်။ 

လီနာဝါဇန်ဘာဂါလို့အမည်ရှိတဲ့ အသက် ၃၀  အရွယ် ဂျာမန်သတင်းထောက်အမျိုးသမီးဟာ နာမည်ကြီးသတင်းစာ Bild ကဖြစ်ပြီး ဘိုင်ယန်မြူးနစ် အသင်းသတင်းတွေကို တာဝန်ယူရေး သားနေသူပါ။

ဘိုင်ယန်မြူးနစ် သတင်းတွေရယူရင်းကနေ နည်းပြနာဂယ်စ်မန်းနဲ့ ချစ်ကြိုက်နေကြောင်း သတင်းစာတိုက်က သိရှိသွားချိန်မှာတော့ အကျိုးစီးပွားနဲ့ ပတ်သက်ပြီး အဂတိလိုက်စားမှုတွေ ရှိနိုင်တယ်လို့ သုံးသပ်ပြီး တာဝန်ကနေဖယ်ရှားခဲ့တာပါ။

ဘိုင်ယန်နည်းပြ နာဂယ်စ်မန်းဟာ ၁၅ နှစ်ကြာ လက်တွဲလာခဲ့တဲ့ ဇနီးဖြစ်သူ ဗာရီနာနဲ့ ပြီးခဲ့တဲ့လပိုင်း ကမှ တရားဝင်ကွာရှင်းခဲ့တာပါ။ လပိုင်းအတွင်းမှာပဲ ချစ်သူသတင်းထောက်အမျိုုးသမီးနဲ့ အား လပ်ရက်ခရီးထွက်ခဲ့ပြီး အတူတွဲရိုက်ထားတဲ့ ဓာတ်ပုံတွေလည်း ထွက်ပေါ်လာခဲ့တာပါ။

အဲဒီနောက် Bild သတင်းစာက ဘိုင်ယန်အသင်း သတင်းထောက်အဖြစ် ၂ နှစ်ကြာတာဝန်ယူခဲ့တဲ့ လီနာကို ဖယ်ရှားခဲ့တာပါ။ လီနာဟာ ပြီးခဲ့တဲ့ ရက်ပိုင်းက ဘိုင်ယန်ကခေါ်ယူထားတဲ့ တိုက်စစ်မှူးမာနေးကို သီးသန့်အင်တာဗျူးတင်ဆက်ပေးခဲ့ပါသေးတယ်။