တရုတ်နိုင်ငံတဝန်းမှာ ပြီးခဲ့တဲ့ ၂၄ နာရီအတွင်း ကိုဗစ်-၁၉ ရောဂါကူးစက်ခံရသူပေါင်း ၁,၀၁၂ ယောက်ရှိခဲ့ပြီး ဒါဟာ ပြီးခဲ့တဲ့ မေလ ၂၀ ရက်ကတည်းက ၂ လတာအတွင်း ရောဂါကူးစက်မှု ၁,၀၀၀ ကျော်နဲ့ အမြင့်ဆုံးကူးစက်မှု ဖြစ်လာတယ်လို့ တရုတ်အမျိုးသား ကျန်းမာရေးကော်မရှင်က ပြောပါတယ်။

အဆိုပါ ရောဂါကူးစက်မှုအသစ် ၁၀၀၀ ကျော်ထဲက အယောက် ၁၅၀ ကတော့ ရောဂါလက္ခဏာပြသူတွေဖြစ်ပြီး ၈၆၂ ယောက်ကတော့ ရောဂါလက္ခဏာမပြသူတွေဖြစ်တယ်လို့ ဆိုပါတယ်။

ပြီးခဲ့တဲ့ တရက်တုန်းကတော့ ကိုဗစ်-၁၉ ရောဂါကူးစက်ခံရသူပေါင်း ၇၇၆ ယောက်ရှိခဲ့ပြီး အဲဒီထဲက ၂၃၇ ယောက်ကတော့ ရောဂါလက္ခဏာပြသူတွေဖြစ်ပြီး ၅၃၉ ယောက်ကတော့ ရောဂါလက္ခဏာမပြသူတွေဖြစ်တယ်လို့ ဆိုပါတယ်။

ရောဂါကူးစက်ခံရပြီး သေဆုံးသူအသစ် တယောက်မှ မရှိခဲ့တာမို့ တရုတ်နိုင်ငံတဝန်း ကိုဗစ်-၁၉ ကြောင့် သေဆုံးသူ စုစုပေါင်း ၅,၂၂၆ ယောက် ရှိနေတာပါ။

ဇူလိုင် ၁၉ ရက်အထိ တနိုင်ငံလုံးအတိုင်းအတာနဲ့ ကိုဗစ်-၁၉ ရောဂါကူးစက်ခံရသူ စုစုပေါင်းကတော့ ၂၂၇,၉၈၀ ယောက် ရှိနေတာ ဖြစ်ပါတယ်။

တရုတ်နိုင်ငံမြို့တော် ဘေဂျင်းမှာတော့ ရောဂါလက္ခဏာပြသူ လူနာသစ် ၁ ယောက် ထပ်တိုးတွေ့ရှိခဲ့ရပြီး အဲဒီအရင်တရက်တုန်းကတော့ ရောဂါလက္ခဏာပြသူလူနာတဦးတယောက်မှ မတွေ့ခဲ့ရဘူးလို့ ဆိုပါတယ်။ ဒါ့အပြင် ပြီးခဲ့တဲ့ ၂၄ နာရီအတွင်း ရောဂါလက္ခဏာမပြဘဲ ကူးစက်ခံရသူတယောက်မှ မရှိခဲ့ပေမယ့် အရင်တနေ့ကတော့ ၁ ယောက်ရှိခဲ့တယ်လို့ ဒေသတွင်း အစိုးရက ပြောပါတယ်။

ရှန်ဟိုင်းဒေသတွင်းမှာတော့ ရောဂါလက္ခဏာပြသူ လူနာသစ် ၅ ယောက် ထပ်မံတွေ့ရှိရပြီး အဲဒီအရင်တရက်တုန်းကတော့ ၄ ယောက်ကူးစက်ခံခဲ့ရတာ ဖြစ်ပါတယ်။ ဒါ့အပြင် ပြီးခဲ့တဲ့ ၂၄ နာရီအတွင်း ရောဂါလက္ခဏာမပြဘဲ ကူးစက်ခံရသူ ၁၀ ယောက်နဲ့ အရင်တနေ့ကတော့ ၁၉ ယောက်ရှိခဲ့တယ်လို့ ဒေသတွင်းအစိုးရကထုတ်ပြန်ထားတဲ့ အချက်အလက်တွေမှာ ဖော်ပြပါတယ်။

ကမ္ဘာတဝန်းမှာတော့ ကိုဗစ်-၁၉ ရောဂါကူးစက်ခံရသူပေါင်း ၅၆၉ ဒသမ ၈၉ သန်းကျော်၊ သေဆုံးသူပေါင်း ၆ ဒသမ ၃၉ သန်းကျော်နဲ့ ရောဂါပြန်လည်ပျောက်ကင်းလာသူပေါင်း ၅၄၁ ဒသမ ၀၅ သန်းကျော် ရှိနေခဲ့တာပါ။

ရောဂါကူးစက်မှုနဲ့ သေဆုံးမှု အများဆုံးနိုင်ငံတွေအဖြစ် အမေရိကန်၊ အိန္ဒိယ၊ ဘရာဇီး၊ ပြင်သစ်၊ ဂျာမနီနိုင်ငံတွေ ဖြစ်နေပြီး ကိုဗစ်-၁၉ ရောဂါကူးစက်ပျံ့နှံ့မှု စတင်ရာ တရုတ်နိုင်ငံကတော့ ကမ္ဘာ့နိုင်ငံပေါင်း ၂၃၀ ထဲမှာ အဆင့် ၁၁၀ နေရာမှာ ရှိနေပါတယ်။