တောင်ကိုရီးယား အစိုးရရှေ့နေတွေဟာ ဒစ်ဂျစ်တယ်ငွေကြေး လဲလှယ်ရေးဌာနတွေနဲ့ ဆက်စပ်ရုံးခန်းတွေကို ဇူလိုင် ၂၀ ရက်နေ့က ရှာဖွေဖမ်းဆီးမှုတွေ လုပ်ဆောင်ခဲ့ပါတယ်။ 

မေလတုန်းက ခရစ်ပ်တို ငွေကြေး-လူနာ ပြိုလဲမှုမှာ ပါဝင်ပတ်သက်နေတဲ့ တရားမဝင် လုပ်ဆောင်မှုတွေရဲ့ သက်သေအထောက်အထားတွေကို ရှာဖွေနေတာဖြစ်ကြောင်း ပြောရေးဆိုခွင့်ရှိသူက ဇူလိုင် ၂၁ ရက်မှာ ပြောပါတယ်။

စွပ်စွဲချက် အထောက်အထားအတွက် ခရစ်ပ်တိုငွေကြေး လဲလှယ်တဲ့ဌာနနဲ့ ဆက်စပ်ရုံးခန်းတွေ အပါအဝင် စုစုပေါင်းနေရာ ၁၅ ခုကို ဇူလိုင်လ ၂၀ ရက်က ရှာဖွေခဲ့တာဖြစ်ကြောင်း ပြောရေးဆိုခွင့်ရှိသူက အသေးစိတ်မဖော်ပြဘဲ ရိုက်တာကို ပြောကြားခဲ့ပါတယ်။ 

ဒစ်ဂျစ်တယ်ငွေကြေးနဲ့ အရောင်းအဝယ်ပြ လယ်ဂျာစာရင်းတွေကို အင်တာနက်ကနေ ကြည့်လို့ရတဲ့ ဒစ်ဂျစ်တယ်ကွန်ရက် Terraform Labs ရဲ့ ပူးတွဲတည်ထောင်သူတွေဖြစ်တဲ့ ဒိုကွမ် နဲ့ ဒယ်နီယလ်ရှင်းတို့ကို ရင်းနှီးမြှုပ်နှံသူတွေက လိမ်လည်စွပ်စွဲမှုတွေ ပြုလုပ်ခဲ့တာပါ။ 

အမေရိကန်ဒေါ်လာနဲ့ ချိတ်ဆက်ထားပြီး လူနာ-ငွေကြေးနဲ့ ဖလှယ်လို့ရတဲ့ တည်ငြိမ်ငွေကြေး TerraUSD ရဲ့ပြိုကျမှုကြောင့် မေလမှာ လူနာ-ငွေကြေးရဲ့ တန်ဖိုးဟာ လက်တွေ့ကျကျပဲ သုညထိ ထိုးကျသွားခဲ့တာပါ။

ပြီးခဲ့တဲ့လက တောင်ကိုရီးယားအခြေစိုက် Terraform Labs မှ ဝန်ထမ်းအများအပြားကို လေယာဉ်စီးခွင့်မရှိ စာရင်းထဲ ထည့်ထားခဲ့ပါတယ်။