ဘရာဇီးနိုင်ငံ၊ ရီယိုဒီဂျနဲရိုးမြို့ ဆင်ခြေဖုံးရပ်ကွက်ကို ရဲတပ်ဖွဲ့က ရှောင်တခင် ဝင်ရောက်ရှာဖွေစဉ် ပစ်ခတ်မှုဖြစ်ပွားပြီး လူ ၁၈ ယောက် သေဆုံးသွားတယ်လို့ ရဲအဖွဲ့က ပြောပါတယ်။ 

စစ်တပ်နဲ့ ရဲတပ်ဖွဲ့တွေက ရီယိုဒီဂျနဲရိုးမြို့မြောက်ပိုင်းက ဆင်ခြေဖုံးရပ်ကွက်ကို ဇူလိုင် ၂၁ ရက် မနက်စောပိုင်းမှာ ဝင်စီးပြီး အနီးနားမှာဖြစ်ခဲ့တဲ့ ဓားပြမှုတွေနဲ့ ပတ်သက် သံသယရှိသူတွေကို ဝင်ရောက်ရှာဖွေစဉ်မှာ ပစ်ခတ်မှုတွေဖြစ်ခဲ့တယ်လို့ ဘရာဇီးနိုင်ငံက သတင်းတွေမှာ ဖော်ပြပါတယ်။ 

မနှစ်တုန်းကလည်း ရီယိုမြို့ ဆင်ခြေဖုံးမှာ မူးယစ်ဆေးဝါး ရောင်းဝယ်သူတွေနဲ့ ရဲအဖွဲ့တို့ကြား ရင်ဆိုင်ပစ်ခတ်မှုအတွင်း လူ ၂၈ ယောက် သေဆုံးခဲ့ပါတယ်။