ကော်စတာရီကာနိုင်ငံမှာ ပြီးခဲ့တဲ့ စက်တင်ဘာ ၁၇ ရက်ညက မိုးသည်းထန်တာကြောင့် ဘတ်စ် ကားတစီး တိမ်းမှောက်ပြီး လူ ၉ ယောက်ထက် မနည်းသေဆုံးခဲ့တယ်လို့ မီးသတ်သမားတွေနဲ့ ကြက်ခြေနီအဖွဲ့တွေက တာဝန်ရှိသူတွေက ပြောပါတယ်။

နိုင်ငံတဝန်း မိုးသည်းနေတာကြောင့် မြို့တော် စန်ဟိုဆေးကနေ ၄၅ မိုင် အကွာမှာရှိတဲ့ ကမ်ဘရိုနေရိုလမ်းကြောင်းမှာ မြေပြိုခဲ့တာပါ။

အာဏာပိုင်တွေကတော့ ပျောက်ဆုံးနေသူတွေကို ရှာဖွေဖို့ ကြိုးစားနေပြီး လူ ၅၅ ယောက်လောက် ကိုတော့ ဆေးရုံကို ပို့ဆောင်ပေးခဲ့ရတယ်လို့ ကြက်ခြေနီအသင်းဥက္ကဋ္ဌက ပြောပါတယ်။

ကယ်ဆယ်ရေးအဖွဲ့တွေက စက်တင်ဘာ ၁၇ ရက်ညပိုင်းနဲ့ ၁၈ ရက် အစောပိုင်းမှာ အပျက်အစီး တွေကို ဖယ်ရှားပြီး ဒုက္ခရောက်သူတွေကို ရှာဖွေခဲ့ပါတယ်။

မိုးကြီးလို့ ရာနဲ့ချီတဲ့ မိသားစုတွေကို ဘေးလွတ်ရာ ရွှေ့ပြောင်းခဲ့ရတယ်လို့ ထုတ်ပြန်ချက်မှာ ပါရှိပါတယ်။ ကမ်းရိုးတန်းဒေသတွေမှာ မိုးသည်းသည်းထန်ထန် ရွာနိုင်တယ်လို့ အမျိုးသားမိုးလေဝသဌာနက စက်တင်ဘာ ၁၈ ရက်မှာ ခန့်မှန်းထားပါတယ်။