close

ကော်စတာရီကာ

close

November 27, 2022

ဂျပန်အသင်းက ကော်စတာရီကာကို ၁ ဂိုး ဂိုးမရှိဖြင့် ရှုံးနိမ့်

ဒီနေ့ည အစောဆုံး ယှဉ်ပြိုင်တဲ့ ကမ္ဘာ့ဖလား အုပ်စု (အီး) ပွဲစဉ်မှာ ဂျပန်အသင်းကို ကော်စတာရီကာက ၁ ဂိုးတည်းနဲ့ အနိုင်ရသွားပါတယ်။ 

ကော်စတာရီကာအတွက် တလုံးတည်းသော အနိုင်ဂိုးကို ပွဲချိန် ၈၁ မိနစ်လောက်မှာ နောက်တန်းသမား ဖူလာက သွင်းယူခဲ့တာပါ။ 

ဒီပွဲမှာ ဂျပန်အသင်းဟာ ဘောလုံးအသာစီးနဲ့ ဂိုးပေါက် ကန်သွင်းခွင့် ၃ ကြိမ်အထိ ရခဲ့ပေမယ့် ဂိုးအဖြစ် မပြောင်းလဲနိုင်ခဲ့ပါဘူး။ ကော်စတာရီကာအသင်းက ရတဲ့ အခွင့်အရေးကို အသုံးချနိုင်လို့ ၃ မှတ်ရသွားပါတယ်။ 

ဂျပန်အသင်းဟာ အုပ်စုတွင်းမှာ နာမည်ကြီး ဂျာမဏီကို အနိုင်ရခဲ့ပေမယ့် ကော်စတာရီကာနဲ့ အုပ်စု ဒုတိယပွဲစဉ်မှာ ရှုံးတဲ့အတွက် နောက်တဆင့်တက်ရေး မျှော်လင့်ချက်တွေ ထိခိုက်ခဲ့ရပါတယ်။ 

ဂျပန်ဟာ အုပ်စု နောက်ဆုံးပွဲစဉ်မှာ နာမည်ကြီး စပိန်အသင်းနဲ့ ယှဉ်ပြိုင်ကစားရမှာ ဖြစ်ပါတယ်။ 

အုပ်စု (အီး) ဒုတိယပွဲစဉ်အဖြစ် စပိန်နဲ့ ဂျာမဏီတို့ နိုဝင်ဘာ ၂၈ ရက် မနက်အစောပိုင်း ယှဉ်ပြိုင်ရမှာ ဖြစ်ပါတယ်။

12 hours Ago

September 19, 2022

ကော်စတာရီကာတွင် ဘတ်စ်ကား တိမ်းမှောက်ပြီး လူ ၉ ဦးထက်မနည်း သေဆုံး

ကော်စတာရီကာနိုင်ငံမှာ ပြီးခဲ့တဲ့ စက်တင်ဘာ ၁၇ ရက်ညက မိုးသည်းထန်တာကြောင့် ဘတ်စ် ကားတစီး တိမ်းမှောက်ပြီး လူ ၉ ယောက်ထက် မနည်းသေဆုံးခဲ့တယ်လို့ မီးသတ်သမားတွေနဲ့ ကြက်ခြေနီအဖွဲ့တွေက တာဝန်ရှိသူတွေက ပြောပါတယ်။

နိုင်ငံတဝန်း မိုးသည်းနေတာကြောင့် မြို့တော် စန်ဟိုဆေးကနေ ၄၅ မိုင် အကွာမှာရှိတဲ့ ကမ်ဘရိုနေရိုလမ်းကြောင်းမှာ မြေပြိုခဲ့တာပါ။

အာဏာပိုင်တွေကတော့ ပျောက်ဆုံးနေသူတွေကို ရှာဖွေဖို့ ကြိုးစားနေပြီး လူ ၅၅ ယောက်လောက် ကိုတော့ ဆေးရုံကို ပို့ဆောင်ပေးခဲ့ရတယ်လို့ ကြက်ခြေနီအသင်းဥက္ကဋ္ဌက ပြောပါတယ်။

ကယ်ဆယ်ရေးအဖွဲ့တွေက စက်တင်ဘာ ၁၇ ရက်ညပိုင်းနဲ့ ၁၈ ရက် အစောပိုင်းမှာ အပျက်အစီး တွေကို ဖယ်ရှားပြီး ဒုက္ခရောက်သူတွေကို ရှာဖွေခဲ့ပါတယ်။

မိုးကြီးလို့ ရာနဲ့ချီတဲ့ မိသားစုတွေကို ဘေးလွတ်ရာ ရွှေ့ပြောင်းခဲ့ရတယ်လို့ ထုတ်ပြန်ချက်မှာ ပါရှိပါတယ်။ ကမ်းရိုးတန်းဒေသတွေမှာ မိုးသည်းသည်းထန်ထန် ရွာနိုင်တယ်လို့ အမျိုးသားမိုးလေဝသဌာနက စက်တင်ဘာ ၁၈ ရက်မှာ ခန့်မှန်းထားပါတယ်။

2 months Ago
Up